عبد الرماحي
01-09-2010, 10:58 PM
ولد هذا الشاعر المبدع في منطقة(نجد) عام 1866م وهاجر مع عائلته من هناك الى مدينة
. سوق الشيوخ حيث استقر فيها وكان في عامه الرابع فعاش حياته في المدينه اميا دون ان
يتعلم القراءه والكتابه وبعد ان انشد ابياته الاولى في بواكير شبابه اطلق عليه
شعراء المدينه الجوهره السوداء نسبة لبشرته السوداء وعاش عمرا طويلا تجاوز المائه
عام عاصر خلاله اكثر من جيل من الشعراء والادباء وكان يحظي باحترام وتقدير واعتزاز
الجميع وخاصه الشعراء الذين عاصروه وعاشوا معه وبالرغم من انه لايجيد القراءه
والكتابه نهائيا الا انه كان يستخدم في شعره بعض المفرادت الفصيحه نتيجة تأثره
بالبيئه البدويه الصحراويه ذكر بعض شهود العيان بان الشاعر ابو معيشي اذا اراد منه
احد ان يسجل له بيت ابوذيه فيقول له اكتب(ايكول ابو معيشي)ثم يتلو عليه البيت واذا
فرغ من القراءه يقول له اقرأ ما تلوته لك فاذا قرأ ولم يقل (ايكول ابو معيشي)فانه
يزعل ويترك جليسه له مساجلات كثيره مع الكثير من الشعراء ويعد واحدا من الاعلام
البارزين في الابوذيه التي اختص بها منفردا عن سواه وافاه الاجل عام 1978م بعد ان
ترك نتاجا هائلا من لون الابوذيه.
بخدر واصعد عليهن ساف من ساف
لهه يمة محمّد عين منساف
لهه جعود فوك المتن منساف
لهه منحر يوسدني المنيه
وقال أبو معيشي عندما احترق بيته مخاطباً الحاج سعود
يوم اكشر يحجي سعود يوماي
همت ما عاد اوجد ارض يوماي
هذا يصيح ذاك يهدم يوماي
الهلاهل للفزع تلحك عليّه
.......................................
مقتطفات من بوذيات ابو معيشي
عليه اوحرمت عيني وسنهه
زماني جرد اسيوفه وسنهه
بعد هيهات عيش ايصير اليه
وحك اللي فرض خمسه وسنهه
ولا صحلك صديج ارشدك ودلاك
ابجليب اظلم تذب ارشاك ودلاك
ابكلبه ولا صفتله اوياك نيه
ولا كلمن توده صار ودلاك
عليك وهملت اعيوني وساليت
يهاشم ناشد العالم وساليت
وراسك بالوسن تطري عليه
حسب ظنك نسيت انه وساليت
المصايب نحلتلي الحيل واراك
وحك من خالج النيران واراك
والاعظم سنسله ام سبعين اذيه
بعد يوم الحشر وحساب وراك
حادي البل سمع وني وردهم
جفوني اللي يحب كلبي وردهم
من دمعي اليكت فوك الوطيه
صار العرب يمعيجل وردهم
اظن هاوي عذاب الروح وداك
ياهو المرسلك للبيض وداك
معاهن تنغلب وتعم عليه
ماينبت يحجي سعود وداك
ثبت يسعود وي البيض ودنه
وحك اللي كرب كوسين وادنه
تفوز وتحسب الجنه الهويه
ان متت مغرم ابحضن البيض ودنه
يخي منهاب مدفعهن وكلهن
هواهن حمس اجلا نه وكلهن
لبو معيشي اعتنن جيمن عزيه
ماتكدر تبارحهن وكلهن
الغيري استاد خف الجدم وناس
ماساعه كعد وياي وناس
هيجي النه كلب ناره سريه
مثل اللي حطبهه احجار وناس
عنهن عيب اروح ابعيد ويلاي
ولو كلبي بهواهن نار ويلاي
انت والبيض دك ولطم عليه
يصالح لو لفاني الموت ويلاي
ولا مزنه اشبهت دمعي ولا راي
ابد ماتم فكر عندي ولاراي
هيجي انه العلي واجب عليه
فديت العين والجبده ولاراي
امحير جني البومه ولحدي
اصبحت لا اسوكن ابزملي ولحدي
اشوه ولا يمر شامت عليه
يعل متوسد بكبري ولحدي
مثل مكر النسه على الرجل يدهن
المصايب لولفن للحيد يدهن
يذلن كل شخص بيه الحميه
وحك الزاجيات وشرف يدهن
ابنار وحمسيت اجلاي صليت
اشمالك يازماني علي صليت
فنكحني الهوه وذبني بنويه
مثل ما صلت ام عمران صليت
وشفت اجعود فوك المتن منساف
ابخدر واصعد عليها ساف منساف
ولها لحظ يوسدني المنيه
لها يمه محمد عين منساف
وهذا اخر بيت قاله ابو معيشي قبل وفاته
عرف بجروح جبدي صدعني
صد ليه حكيمي صد عني
احجيلي ابرفجه الجناز اليه
يروحي اصفي البيابي صدعني
.................................................. ......
أرسل الشاعر الحاج ياسين العبادي بيتاً إلى الشاعر حمدي الحمدي:
نحد سيوفنه وبايج حداها
وسبكت طير المبركَع حداها
البل موش حاديها حداها
حقود ويطلب الثارات بيه
فأجاب حمدي الحمدي عليه
البايج مايفيده الجرخ والحد
اله تفصال نوم الكبر والحد
اسف خلف الاسود البوم والحد
سكنت بالخرابه وتون هيه
وقال أبو معيشي
تهيم الروح عيب أدري شملهه
تون ولا فرح ساعه شملهه
مته يلتم بعد فركَه شملهه
وتعود ايامنه الحوه الزهيه
فأجاب الشاعر حمدي الحمدي
الدهر من يوم فركَانه شملنه
جزانه وجنّه ما يدري شملنه
النوايب شتتن منه شملنه
بعزر بعض وبعض حدر الوطيه
فأجابهم أبو معيشي رداً على حمدي الحمدي
حرت شكتب لكم يحباب شملاي
وغدت ما توصّل اليمناي شملاي
معاكم لو رفك بالسير شملاي
يحمدي أوّل شبابي يعود اليه
.............................................
ايكول ابو معيشي
همت وهموم البكلبي كفني
ميّت كوم غسّلني كفني
صديج الجنت اكفلنه كفلني
ولذت بالجانو يلوذون بيه
..................................................
هلال حسن ال وهيب خاطبا" ابو معيشي
ليالي الفرح فاتني وعادن
يبو معيشي سكنت جنتة وعادن
المصايب مايهمني وعادن
احاربهن لمـن تدنـه المنيــــــــه
فأجابه أبو معيشي قائلا"
امنعوا عني جميع البيض ويلات
ولا منهم كلب يهلال ويلات
عسى الشمات كون بنـار ويلات
وتظل اسنين دوم اللهم سـريه
فرد عليه الشاعر هلال قائلا"
امنعوا عنكم جميع البيض شلهم
يبو معيشي عساهم مرض شلهم
طلبت الله لعد برهوت شلهم
ويعذبهم عذاب الـــــــــــجاهليه
أرسل ابو معيشي هذا البيت للشاعر
زماني بنار من هبب ويانه
ولا واحد وصل حينا ويانه
ردت يهلال كون اتون ويانه
انا وسعود من ننصب عزيه
.......................................
الشاعر ثامر حموده مزيعل يخاطب ابو معيشي
رماني الدهر وانصبلي بجالاي
وكلمن ينظر لحالي بجالاي
صرت شجرة يبو معيشي بجالاي
يهزني الريح من يكبل عليــه
فرد عليه ابو معيشي قائلا"
رماني الدهر وانصبلي بجالاي
وكلمن ينظر الحالي بجالاي
أنجان انته اصبحت شجره بجالاي
انه جالي وملط الروح بيـــه
................................................
بالطبع هنالك عاده استخدمها الشاعر المرحوم ابو معيشيرحمه الله
وهو دائما اذا اراد ان يقرا بيتا فيقول ايكول ابو معيشي
تعالوا معي لمايقوله الشاعر
ايكول ابو معيشي
بطيت اشعطلك بالوعد مايت
عليك ادموع عيني اتسيل مايت
اجروح الي بكَلبي عدد مايت
عليك ولا تكَول اصـار بيــه
ايكول ابو معيشي
لون تنفيني يامدلول من فاك
ربط حبل الموده احشاي من فاك
ابي رشفه يساهي العين من فاك
تفوق على الرحيق العـذب ميه
ايكول ابو معيشي
حزني عليك مايبطل وناحاي
اسب اللامني بودك وناحاي
تبات الناس مستره وناحـاي
ليلي والنجـم يشهد عليه
. سوق الشيوخ حيث استقر فيها وكان في عامه الرابع فعاش حياته في المدينه اميا دون ان
يتعلم القراءه والكتابه وبعد ان انشد ابياته الاولى في بواكير شبابه اطلق عليه
شعراء المدينه الجوهره السوداء نسبة لبشرته السوداء وعاش عمرا طويلا تجاوز المائه
عام عاصر خلاله اكثر من جيل من الشعراء والادباء وكان يحظي باحترام وتقدير واعتزاز
الجميع وخاصه الشعراء الذين عاصروه وعاشوا معه وبالرغم من انه لايجيد القراءه
والكتابه نهائيا الا انه كان يستخدم في شعره بعض المفرادت الفصيحه نتيجة تأثره
بالبيئه البدويه الصحراويه ذكر بعض شهود العيان بان الشاعر ابو معيشي اذا اراد منه
احد ان يسجل له بيت ابوذيه فيقول له اكتب(ايكول ابو معيشي)ثم يتلو عليه البيت واذا
فرغ من القراءه يقول له اقرأ ما تلوته لك فاذا قرأ ولم يقل (ايكول ابو معيشي)فانه
يزعل ويترك جليسه له مساجلات كثيره مع الكثير من الشعراء ويعد واحدا من الاعلام
البارزين في الابوذيه التي اختص بها منفردا عن سواه وافاه الاجل عام 1978م بعد ان
ترك نتاجا هائلا من لون الابوذيه.
بخدر واصعد عليهن ساف من ساف
لهه يمة محمّد عين منساف
لهه جعود فوك المتن منساف
لهه منحر يوسدني المنيه
وقال أبو معيشي عندما احترق بيته مخاطباً الحاج سعود
يوم اكشر يحجي سعود يوماي
همت ما عاد اوجد ارض يوماي
هذا يصيح ذاك يهدم يوماي
الهلاهل للفزع تلحك عليّه
.......................................
مقتطفات من بوذيات ابو معيشي
عليه اوحرمت عيني وسنهه
زماني جرد اسيوفه وسنهه
بعد هيهات عيش ايصير اليه
وحك اللي فرض خمسه وسنهه
ولا صحلك صديج ارشدك ودلاك
ابجليب اظلم تذب ارشاك ودلاك
ابكلبه ولا صفتله اوياك نيه
ولا كلمن توده صار ودلاك
عليك وهملت اعيوني وساليت
يهاشم ناشد العالم وساليت
وراسك بالوسن تطري عليه
حسب ظنك نسيت انه وساليت
المصايب نحلتلي الحيل واراك
وحك من خالج النيران واراك
والاعظم سنسله ام سبعين اذيه
بعد يوم الحشر وحساب وراك
حادي البل سمع وني وردهم
جفوني اللي يحب كلبي وردهم
من دمعي اليكت فوك الوطيه
صار العرب يمعيجل وردهم
اظن هاوي عذاب الروح وداك
ياهو المرسلك للبيض وداك
معاهن تنغلب وتعم عليه
ماينبت يحجي سعود وداك
ثبت يسعود وي البيض ودنه
وحك اللي كرب كوسين وادنه
تفوز وتحسب الجنه الهويه
ان متت مغرم ابحضن البيض ودنه
يخي منهاب مدفعهن وكلهن
هواهن حمس اجلا نه وكلهن
لبو معيشي اعتنن جيمن عزيه
ماتكدر تبارحهن وكلهن
الغيري استاد خف الجدم وناس
ماساعه كعد وياي وناس
هيجي النه كلب ناره سريه
مثل اللي حطبهه احجار وناس
عنهن عيب اروح ابعيد ويلاي
ولو كلبي بهواهن نار ويلاي
انت والبيض دك ولطم عليه
يصالح لو لفاني الموت ويلاي
ولا مزنه اشبهت دمعي ولا راي
ابد ماتم فكر عندي ولاراي
هيجي انه العلي واجب عليه
فديت العين والجبده ولاراي
امحير جني البومه ولحدي
اصبحت لا اسوكن ابزملي ولحدي
اشوه ولا يمر شامت عليه
يعل متوسد بكبري ولحدي
مثل مكر النسه على الرجل يدهن
المصايب لولفن للحيد يدهن
يذلن كل شخص بيه الحميه
وحك الزاجيات وشرف يدهن
ابنار وحمسيت اجلاي صليت
اشمالك يازماني علي صليت
فنكحني الهوه وذبني بنويه
مثل ما صلت ام عمران صليت
وشفت اجعود فوك المتن منساف
ابخدر واصعد عليها ساف منساف
ولها لحظ يوسدني المنيه
لها يمه محمد عين منساف
وهذا اخر بيت قاله ابو معيشي قبل وفاته
عرف بجروح جبدي صدعني
صد ليه حكيمي صد عني
احجيلي ابرفجه الجناز اليه
يروحي اصفي البيابي صدعني
.................................................. ......
أرسل الشاعر الحاج ياسين العبادي بيتاً إلى الشاعر حمدي الحمدي:
نحد سيوفنه وبايج حداها
وسبكت طير المبركَع حداها
البل موش حاديها حداها
حقود ويطلب الثارات بيه
فأجاب حمدي الحمدي عليه
البايج مايفيده الجرخ والحد
اله تفصال نوم الكبر والحد
اسف خلف الاسود البوم والحد
سكنت بالخرابه وتون هيه
وقال أبو معيشي
تهيم الروح عيب أدري شملهه
تون ولا فرح ساعه شملهه
مته يلتم بعد فركَه شملهه
وتعود ايامنه الحوه الزهيه
فأجاب الشاعر حمدي الحمدي
الدهر من يوم فركَانه شملنه
جزانه وجنّه ما يدري شملنه
النوايب شتتن منه شملنه
بعزر بعض وبعض حدر الوطيه
فأجابهم أبو معيشي رداً على حمدي الحمدي
حرت شكتب لكم يحباب شملاي
وغدت ما توصّل اليمناي شملاي
معاكم لو رفك بالسير شملاي
يحمدي أوّل شبابي يعود اليه
.............................................
ايكول ابو معيشي
همت وهموم البكلبي كفني
ميّت كوم غسّلني كفني
صديج الجنت اكفلنه كفلني
ولذت بالجانو يلوذون بيه
..................................................
هلال حسن ال وهيب خاطبا" ابو معيشي
ليالي الفرح فاتني وعادن
يبو معيشي سكنت جنتة وعادن
المصايب مايهمني وعادن
احاربهن لمـن تدنـه المنيــــــــه
فأجابه أبو معيشي قائلا"
امنعوا عني جميع البيض ويلات
ولا منهم كلب يهلال ويلات
عسى الشمات كون بنـار ويلات
وتظل اسنين دوم اللهم سـريه
فرد عليه الشاعر هلال قائلا"
امنعوا عنكم جميع البيض شلهم
يبو معيشي عساهم مرض شلهم
طلبت الله لعد برهوت شلهم
ويعذبهم عذاب الـــــــــــجاهليه
أرسل ابو معيشي هذا البيت للشاعر
زماني بنار من هبب ويانه
ولا واحد وصل حينا ويانه
ردت يهلال كون اتون ويانه
انا وسعود من ننصب عزيه
.......................................
الشاعر ثامر حموده مزيعل يخاطب ابو معيشي
رماني الدهر وانصبلي بجالاي
وكلمن ينظر لحالي بجالاي
صرت شجرة يبو معيشي بجالاي
يهزني الريح من يكبل عليــه
فرد عليه ابو معيشي قائلا"
رماني الدهر وانصبلي بجالاي
وكلمن ينظر الحالي بجالاي
أنجان انته اصبحت شجره بجالاي
انه جالي وملط الروح بيـــه
................................................
بالطبع هنالك عاده استخدمها الشاعر المرحوم ابو معيشيرحمه الله
وهو دائما اذا اراد ان يقرا بيتا فيقول ايكول ابو معيشي
تعالوا معي لمايقوله الشاعر
ايكول ابو معيشي
بطيت اشعطلك بالوعد مايت
عليك ادموع عيني اتسيل مايت
اجروح الي بكَلبي عدد مايت
عليك ولا تكَول اصـار بيــه
ايكول ابو معيشي
لون تنفيني يامدلول من فاك
ربط حبل الموده احشاي من فاك
ابي رشفه يساهي العين من فاك
تفوق على الرحيق العـذب ميه
ايكول ابو معيشي
حزني عليك مايبطل وناحاي
اسب اللامني بودك وناحاي
تبات الناس مستره وناحـاي
ليلي والنجـم يشهد عليه