ابن العراق حيدر
13-10-2007, 01:40 PM
--------------------------------------------------------------------------------
الى الوطن .. الى الجرح الغامر في قلبي
الى بلدي العراق العظيم ولا احب ان اسميه جريح
بعد المن اروح وادك ياباب *** ماضل عندي باب وماكصدته
حشمت العدو كبل المحبين *** ولاضل عندي صاحب ماسألته
انه اجم اضلن هايم بليل ؟! *** وليمته الحزن ماخذني سكته ؟؟
بعد مابيه اتحمل فراك *** ولابعد الكلب يحمل حسرته
تعذبنه وشربنه الحنضل ريوك * ولاضل كاس مر وماشربته
دخيلك ياوطن موتنه الفراك *** اخذ كل العنب بس ردلي سلته !!
لارايد حقوق ولاملايين **** ولاهمني الزرعته من الحصدته !!
ولارايد نفط خام ابراميل *** ومبارك عليك الي اخذته
اريد اغفه اعله كاعك آمن بليل * وأرد لداري ذاك الي تركته
العمر خلص بعد مايحمل فراك * دخيلك ياوطن ذابت شمعته
دلملمنه بجناحك يابو الاوطان ** عليك الله تلم الي كسرته
مو انته السبب ادري انته مضلوم ** بس كلبي يخربط من حركته
دخيلك ياوطن لملمنه جم دوب ** يضل بينه الوكت يلعب لعبته
*****
دخيلك ياوطن ماضل بعد حيل ** دخيلك ياوطن سد بابه جارك
دخيلك صرنه عاله اعله الجوارين * وانته لكل بشر مفتوح دارك
جنت خبزه بحلك كل جايع بليل ** ولاجوه الدلال انطفت نارك
جنت تاخذ لكمتي وتطعم الغير ** وكل خايف بليل يلوذ بكتارك
مضيفك عامر وجان الدلال تفوح * ويعيش بهنا ومسرور خطارك
ومن صابك وجع ياحيف عالجيران * كلها تشمتت وبدمنه تتشارك
كوم انهض يحيد وكافي نوم ارجوك * آنه ابنك واريد بشوفك اتبارك
تعبنه من الحروب وصوت اليعزون * شمالك خلص عمرك وانته تتعارك؟!!
تعبنه من المشاكل يابو الاوطان *** دلملمنه نريد نعاود اعمارك
تعبنه من الدمار وصوت الحروب ** يمته الفرحه يوم تعيش بديارك
__________________
الشاعر موسى المالكي
الى الوطن .. الى الجرح الغامر في قلبي
الى بلدي العراق العظيم ولا احب ان اسميه جريح
بعد المن اروح وادك ياباب *** ماضل عندي باب وماكصدته
حشمت العدو كبل المحبين *** ولاضل عندي صاحب ماسألته
انه اجم اضلن هايم بليل ؟! *** وليمته الحزن ماخذني سكته ؟؟
بعد مابيه اتحمل فراك *** ولابعد الكلب يحمل حسرته
تعذبنه وشربنه الحنضل ريوك * ولاضل كاس مر وماشربته
دخيلك ياوطن موتنه الفراك *** اخذ كل العنب بس ردلي سلته !!
لارايد حقوق ولاملايين **** ولاهمني الزرعته من الحصدته !!
ولارايد نفط خام ابراميل *** ومبارك عليك الي اخذته
اريد اغفه اعله كاعك آمن بليل * وأرد لداري ذاك الي تركته
العمر خلص بعد مايحمل فراك * دخيلك ياوطن ذابت شمعته
دلملمنه بجناحك يابو الاوطان ** عليك الله تلم الي كسرته
مو انته السبب ادري انته مضلوم ** بس كلبي يخربط من حركته
دخيلك ياوطن لملمنه جم دوب ** يضل بينه الوكت يلعب لعبته
*****
دخيلك ياوطن ماضل بعد حيل ** دخيلك ياوطن سد بابه جارك
دخيلك صرنه عاله اعله الجوارين * وانته لكل بشر مفتوح دارك
جنت خبزه بحلك كل جايع بليل ** ولاجوه الدلال انطفت نارك
جنت تاخذ لكمتي وتطعم الغير ** وكل خايف بليل يلوذ بكتارك
مضيفك عامر وجان الدلال تفوح * ويعيش بهنا ومسرور خطارك
ومن صابك وجع ياحيف عالجيران * كلها تشمتت وبدمنه تتشارك
كوم انهض يحيد وكافي نوم ارجوك * آنه ابنك واريد بشوفك اتبارك
تعبنه من الحروب وصوت اليعزون * شمالك خلص عمرك وانته تتعارك؟!!
تعبنه من المشاكل يابو الاوطان *** دلملمنه نريد نعاود اعمارك
تعبنه من الدمار وصوت الحروب ** يمته الفرحه يوم تعيش بديارك
__________________
الشاعر موسى المالكي