ودي اضمك لين تصبح على خير

[الكبيسي]

ودي اضمك لين تصبح على خير



افتح شبابيك الهوى جيتـك اليوم
بحساس من زود الوله احسه يطير
جيتك مثل طفلن له ايام محــــروم
عن حضــن امه بعدته المقاديــــر

وجيتك مثل عودن له ايام مهمــوم
وده يلاقي باخر الــوقت تقديـــر
وجيتك حضن عاشق وهايم ومغروم
وده يضمك لين تصبح على خيـــر

متى تحس ان الهوى شي مقسوم
من قسمة الخالق على خلقه يصير
ومتى تحس اني لك اطيح واقـوم
واتعب على شانك واقدرك وآغير

لي في هواك احلام وامال وعلوم
واحزاب واصحاب وقصيد وجماهير
وهموم وافكار وهواجيس وحلوم
ودروب واخطار وعذاب ومشاوير

وحب وغلا واخلاص ومعاند ولوم
واحساس والهام وشعور وتفاكيـر
وصحبة سهر ومقاطعة لذة النوم
واشـواق جياشه وعشق وتعابيـر

في ذمتك مابان لك شي مكتـوم
من بعد ماصورت الاوضاع تصويــر
لاتحسب انك شي عابر ومعـدوم
وتاريخ حبك فاق كل الاســاطــير

كني لقيتك بأغنيه لأم كلثــــوم
وكني قريتك في رواية شكسبيــر
في كل شي اتخيلك واسمعك دوم
واتأملك في الوقت الأول ولآخيـــر

من ماضي الأيام لايومك اليـــــوم
وغـــلاك عندي ماحصل فيه تغييـــر
وانا لك الله ماأقبل البيع والسوم
ولا ارضى علي ولاعليك المخاسيــر

لاْني الوحيد اللي على بحرك يعوم
واللي عرف مرساه في رحلة السير
لحظه حبيبي قبل يسبقني النوم
بضمك لصدري لين تصبح على خير



<p><a href="register.php"><img border="0" src="images/nolink.gif"></a></p>[

[موسى المالكي]

شكرا جزيلا
سررت بوجودي هنا
سانتظر جديدكم
اخوكم
الشاعر
موسى المالكي

[الكبيسي]

اخي موسى المالكي والله ان كلمة مشكور قليله بحقك فاني اقول لك نورك اشرق على الموضوع وكلماتك الجميله اكملت الموضوع واخ عزيز علينا يسلمووووووووووو

أنا الذي من شوف الأحبـــاب مــــــــــحروم والله يكافـــــــــــي شر زلات الأقـــــــــــــدام قبل أمـــس مع ربعي سواليف وعـــــــــــلوم والــــــيوم طاويني هواجيس وهيـــــــــــــــام أضحك ضحى قبل أمس وأبكي ضحـــى اليوم ياســـــــرع دورات اللــــــيالي والأيــــــــــــام

<p><a href="register.php"><img border="0" src="images/nolink.gif"></a></p>