سجل اجمل بيت مر عليك من الدارمي العراقي

[حسام11]

السلام عليكم

بما ان الشعر الشعبي ليس ابناُ باراُ للشعر الفصيح... لكنه لم يتعدى عليها في يوم من الايام ولم يطلب منها سوى ان تعترف بشعبيته وتحترمه كما يحترمها...وهذا ما حصل فالشعر الشعبي وخصوصاُ (العراقي) نكهة وذوق

فمن هذا المنطلق

احب ان ندون اجمل ابيات الدارمي العراقي التي مرت علينا

هذه دعوة للجميع بتسجيل اجمل بيت دارمي اعجبهم

وعسى ان ينال الموضوع اعجابكم

والبيت الاول الذي عجبني ...وهو حديث الولادة ومن واقع مدينتي
###############

لو نمد همنة طول يوصل المريخ

غيمة سمانة ارهاب ومطرت صواريخ

##############
اخوكم حسام 11

[الافق]

يمن لجلك عمرنة نخلصة صفنات
صفنة باثر صفنة نعد ليالينا

تهون الروح لجلك مو حرامات
لجل طيفك عشكنة النوم تدرينة

واذا طيفك يمر بالجفن لحضات
كون الغبشة تبعد ما تصل لينة


أخي الكريم حسام
في البدايه
أشكرك جزيل الشكر على روعة الموضوع
وأسمحلي أن اسجل أول مساجله
وأاكد ان هذه الابيات بصدق أعجبتني وهي من مؤلفات حضرتك .
تقبل مروري
مع خالص تقديري

الافق

[علاء الدليمي]

الطيب اصلك والفخر للي يماشيك والذوق شخصك يا مسعد من يخاويك

[حسام11]

تنويه لجميع الاعضاء


بدون زحمة عليكم خلي تكون المشاركة تقتصر على بيت دارمي مو مسج او شعر شعبي مع خالص الشكر

وهذا بيت الدارمي هدية لكل الاعضاء

غالي وغيابك طال وشلون اشوفك
بيا صور كلي الروح تكدر تعوفك

اخوكم حسام 11

[ماسة]

كل مر جرعته يهون بس مر الفراك

اشهك بشهكت موت من كلبي يشتاك


هديه مني لكل اعضاءنا

[حسام11]

ضنيتك بكل يوم تسأل علية

نجمة ظهر تاليك وكطعت بية

[SINAN-IQ]

شكراً اخ حسام على هذا الموضوع المميز والرائع


عمده ارد امر بالدار واشتم التراب
وارسم بدمع العين تمثال الاحباب


شكراً اخويه حسام

ســنـــان

[غدير]

يمته حزنه يزول وتزول الهموم
ويمته كَـمرنه إيعود ونزفله النجوم

****

حسام 11

شكراً اخي على الفكرة الرائعة

[حسام11]

دير طبع بالروح من اذكر اســـــــــــــمك
تبجي وتحن وتريد فد ساعة يمـــــــــــــــك


حسام 11

[عاشق بلد]

لو تدري كلبي شكد لاجلك حمل هم
جا كلبك بهل ساع طك ونزف دم
لو ردت عني اتروح الكالي صبرين
واحد يصبر الروح والثاني للعين
حبك يبعد الروح اصبحلي سلوة
الهج باسمك دوم سويتة غنوة
مايهمني حجي الناس وشما يكولون
صرنة بجسد روحين حقهم مايدرون
شكرا جزيلا اخ حسام على هذه الفكرة الراعة بس مو غريبة عليك فانت علم من ابرز اعلام المنتدى وبالخص الشعر تقبل اجمل تحياتي
عاشق بلد:):):):)

[SINAN-IQ]

تلهث تلم فلوس شگد رايد تعيش
هوه الچفن بيه جيب مثل الدشاديش .

هذا بيت الدارمي للشاعر الكبير عريان السيد خلف
الف شكر مره اخرى لك يا حسام على الموضوع الجميل

ســنــان

[امين الحر]

ازرع واكول ايصير واترك الصاير اليهد طيره شبيه يلحك الطاير

[حسام11]

الروح حنت الك والعين مشتاكة
تدري اليحبة الكلب مو هين فراكة

[سمر]

ساسك رمل هيال من ياشريعه
للرايح وللجاي سرك تبيعه

[غدير]

أصفكَـ الراح براح وأتسله بالراح
خايف أكَولن راح شمـاتي ترتاح

[حسام11]

لاتصفك على الراح اصفك على الراس
ومن تذكر الشمات خل تفزع الناس
...................
###############
................

[غدير]

مشتاگه روحي اليوم تسمع حچيكم
واعظامي كلهه تنوح تسأل عليكم

[ملك النوارس]

روحـــي بوسط بستان محد سكاهه
ولاغيم اجه من ابعيد ومر بسماهه

[غدير]

أرد أسألك يفلان إحچي بصراحة
الفارگ الأحباب هم يلكَه راحة

[حسام11]

شامت وكف بالباب حاير شكلة
حيل ارجي عل مكسور لو دمعي اهله

[غدير]

يادنيه بس وياي دكَاتج ارداف
ماهمني شتسوين ماعندج انصاف

[وسام العراقي]

بكل حلو لوله تصير بس شحجي عنك
صارت اللوله البيك حتى احلى منك

[غدير]

يادنيه ليش وياي عثره إعله عثره
من الزغر لليوم وبكَلبي حسره

[حسام11]

متعني للعباس اشكي الهضايم
لن ولفي كبل ابيوم بالحضره نايم

[الهلالي]

جنه بفرد ماعون نثرد سويه
هسه طلعت موزين. ووصخات أديه؟

[غدير]

كل ما أريد أنساك بسمك يصيحون
يتحرك الدلال وتهل العيـون

[الهلالي]

عل الوطن دارت ليش حفنة سجاحين
ثق الحصل ما صار لو احنه صاحين

[حسام11]

هذا الوطن محروس بأهداب العيون
وبمنتدى اطــــــــــياف الكل يفرحون

:3dflagsdotcom_iraq_

[الهلالي]

اكيد هذا الوطن محروس مدام عنده ابناء مثلك
ايها الحبيب الغيور على وطنه الحبيب
____________________________
صح عاشرت صدكان بس لكن شلون
كل ما اصير بضيج مني يتبرون

[غدير]

أسهر وعوف النوم وصبحلك عيون
يلبلكَلب موجود نسيانك شلون

[حسام11]

اطحن صبر وهموم يا كلبي لتمل
باجر يحن ويعود واعيادك تهــــل

[غدير]

يالتسوه نوح عليك يالتسوه العيون
عشرتنه شجرة وماي نتفاركَـ شلون

[حسام11]

جنه بوسط هل كاع نشرب فرد ماي
ماحسبت لفراك وتنساني يهواي

:3dflagsdotcom_iraq_

[غيث الحداد]

هلوووووووو ابو فدك ..
عاشت ايدك على هذا الموضوع وعندي مشاركة بسيطة ارجوا ان تقبل مروري

گلبي انحفر بيه بير ودراجة مرمر
ونارك يا حلو لطول بالگلب تسعر

لو فد سباق يصير ياهو أجمل الناس
وانرش عليك أتراب هم تاخذ الكاس

محبتي
اخوك غيث الحداد

[غدير]

يراد أحط إعيون بعيوني ذني
حته أكَدر أبجي إعليك من تمشي عني

[الهلالي]

الـــــــــــــــــى
غدير الولاية
وافق الطيب
اهدي هذا الدارمي

جرح الغربه يا صاح ما منة طيبة
ولو طحت وانته هناك ما هي غريبة

[ماسة]

لومر عليك الجوع لتعلي صوتك
وبالك تشهي الروح من لحم اخوتك

[عطر الورد]

التمو يل شمات جلمة ارد اكلكم
ال جنت ازامط بي شامت مثلكم

[الهلالي]

نشمي وتضل للدوم كلك شهامه
والغيره من اتضيع انت العلامه

[حسام11]

كيّفنه كَلنه نصير مثل الإمارات
ماي وضوه وتبليط مو بس قرارات

[عباس العتابي]

محترك قلبي اعليك بس رت اشوفك::::::::لو بيه اعوف الكون بس ما أعوفك

[علاء الدليمي]

شكرا لابداعك الجميل ولا تحرمونا من جديدكم المبدع اتجاه منتدانا الرائع

[غيث الحداد]

طبعا بالبداية ...
شكرا اخ ابو احمد على هذا الموضوع الروعة وعندي مشاركة صغيرة ارجوا ان تقبل مروري
اخوك ابو عبد
اطك وانازع بيك منازع امك
لو ما لهيب النار بكليبي اظمك

تتمنى الك كلبين غمك لهل راي
نص كلب عندي عليل ونطيت لهواي

لو سهم واحد جان يمكن اردة
لاجن ثلاث سهام ياهو الاصدة

من روحي تطلع روح تطلع واردها
والصبر بس وياي جزاها حدها

صبري علة صبر ايوب زاد وتعدة
وماكلت مسني الظر عفية اني جلدة

[علاء الدليمي]

بغداد لالا لالا تتأ لمي بغداد انتي انتي في دمي :3dflagsdotcom_iraq_:296::3dflagsdotcom_iraq_:3dfl agsdotcom_iraq_

[حسام11]

لا اهلا ولا سهلا بيك لا هلا ولا جيت
كل ضلع بيه بسمار من تمشي خليت:bomb::bomb::bomb:

[حسام11]

صدكني اريد انساك بس ماني كادر
فراكك يدمر الروح ويكسر الخاطر


الى منتداي الغالي

[حسام11]

وي روحي گلت انساك يمته الخبر جاك؟
ما أدري حتى الروح جاسوسه وياك

[حسام11]

ليش انت هيچ وياي تجرحني دومك
تدريني احبك حيل من خرب بيومك

وارجو المعذرة

لـــــــــــــــــــــــــــكن!!!!!

[ماسة]

فهمني يالمحبوب موقف حضرتك ....بالگلب كاعد ليش قابل غرفتك ؟

[كرار البغدادي]

سلام ميسلمون ، سؤال ما يسألون ، رسالة ميدزون راح أفخخ روحي بلكي بالفاتحة يجون

[حسام11]

الى الاخ علاء الدليمي وكرار البغدادي

لطفاً

ان هذا الموضوع وضع للمشاركة في ابيات الدارمي العراقي

وليس لأغاني الساهر او مسجات المبايل

وارجوا ان تكون مشاركاتكم مقتصرة على

ابيات الدارمي

حسام 11

[حسام11]

للينكر اهل البيت اول علامه
بالدنيه حظه يطيح گبل القيامه

[الكبيسي]

اقعد ابتالي الليل وادعي ابصلاتي
ياربي بعد افلان شلي ابحيــــــاتي

ارد انصحك يافلان هذي النصيحه
عوف اتلف وادور حب الصريحه

[الكبيسي]

حـط باللبن تيــزاب مجبـور أشربـه
بس لا أشوفك يوم تمشي وي غربـــه

[رعد اللامي]

المهاجر افراء هذا البيت من شعر الدارمي هدية لك ولكل الذين يعشون في بلاد الغربة

ابعد بعد لبعيد وجمالة لبعيد
الطبك يصبح عيد لو رد البعيد ( الطبك 10 عاشوراء )

[Heart of Ocean]

هم شفت هم سمعيت بالكلب شيبة ؟؟؟

كلها هاي تصير من هاي المصيبة ..........


تقبل مروري

[Heart of Ocean]

كاعك نزيزة طلعت يلي تعبت برباك
علمتك اني الرمي تالي اصبحت برماك

[رعد اللامي]

شيبت مو عالبال والشيب اخذني
اسكيته الطيبات حنظل سكتني

شيب اليمر عالناس لازم يمر بيك
حنظل زكاك اهواك بس لايجافيك



بقلمي

[عازف الليل]

يل رايح لبغداد خوية ارد اوصيك
كلهه حبيبج عاش بالغربة تلزيك

[حسام11]

هم همي هم الناس هم همك انته
وحبل الوصل ياحيف بيدك كطعته

[غيث الحداد]

ادري ليغيب هواي يتسمة مفقود
بس انت من تغيب بنص روحي موجود


تحياتي

[رعد اللامي]

هان يل كلت بالروح بس انته موجود
اقسم برب الكون وخليلك اشهود

[حسام11]

بدنياك اصيرن فرح لو شال كلبك هم
وفرش دروبك ورد واذكرني من تشتم

[غيث الحداد]

من بيتي واتعناك يالدربك بعيد
روحي اشتهت بوسات من خدك تريد
غيث حداد

[حسام11]

دك بابي غفلـــــــــــــة العيد واسئلته عنك
لن وردة بيض وشوك جايبلي منــــــــــــــك

[غيث الحداد]

غالي وتظل يفلان تاج على راسي
انته الاخو والخال حتى اغلى ناسي

رمشلي بس ترميش تلگاني يمك
ومصدگه هيه الروح تگعد تشمك

[حسام11]

بالك تعد عاشور لوعة وحزن ودموع

لهام الثريا حسين اجمل علم مرفوع

[سجاد الربيعي]

اخي الكريم حسام
عاشت الايادي على هذا الموضوع الرائع


اكابر واضحك بسكتة
وانـا المجروح ومن ضيم الوكت علته

واداري جروح كلبي واحبس الدمعات

وياعسر الوكت اشكثر كاونته

يلاويني الدهر وانتجي اعله الريح

بس مايوم انحنيت وراسي دنكته


تحياتي
ابو لينا البلداوي

[غيث الحداد]

اهداء الى جميع اعضاء منتدانا
عاشرت كل الناس بس مو مثلكم *** كل ساعه احس بل موت لو ما شفتكم

[سالم التميمي]

شجرة وتچوچي الناس وبفيي تنام
تاليها ادور افياي خلتني الايام
***
روحي اشتهت ملگاك جابتني اشوفك
چثر عليها اللوم هلبت تعوفك
***
وهذا الدارمي هدية مني لابن العراق حيدر
موصحبه آنا وياك ،ِ روح ابطن روح
گبل الجرح لو جاك تلگاني مجروح

ومن الدارمي العراقي القديم

ناگه شكثر للغير درن ثداياي
تاليها للگصاب ودتني دنياي
...
ماهمني الگصاب الگطع چلاي
همني الصديج الگال عيرلي من هاي

[حسام11]

اطحن صبر وهموم ياكلبي لتمل
باجر يحن ويعود واعيادك تهل


الى الغالي رغم الغياب

الهلالي

[كرار البغدادي]

حبيبي
كل الورود في عمري الحزين تذبل
إذا لم تسقيها أنت
فأنا بدونك أكون أشلاء مبعثرة
وأفقد جهاتي الأربعة
بدونك أكره عيني التي لم تراك
وأتوه في بحر الهلاك
وأنسى حتى الأزمنة
بدونك تلفني الأحزان
وتتجاذبني الهموم
وتعانق قلبي الحزين
كل هذا حبيبي لأنني
بدونك

[رندة]

كل يوم اكول الفرج باجر يدك بابي
الكل عين اصيرن كحل لو عادو احبابي

[رعد اللامي]

خلونه نكتب شعر للوطن للاحباب
امثال عدنه شكثر عريان والسياب

[ماسة]

مو موته اموت عليك هواي موتات ... نص منهن ام العود والباقي كاسات

[رندة]

جرح الوطن يلتام بسم الاخوة
صف وية صف انصير ماتبقة فجوة

[حسام11]

كاطع كتب ديوان عيد ابو هـــــــلالين
وانة اختصرته وياك ((شوفتك عيدين))

[غيث الحداد]

اسمك انقشه بنار وبكلبي اخليه
حتى الجرح لو طاب يبقى الاثر بيه

[غيث الحداد]

لاتظن حي وانساك يلمنبعك در
ترتجف كل اعضاي من شخصك يمر

[فراس]

صبح دليلي اليوم من صدري شايل
شوفة بجهازك جاي وية الرسائل؟

[الحمداني]

ارد احفر التبليط وازرع بتيتة.....هيج اليحب حلوين ينهجم بيتة

[الحمداني]

متعني للعباس شباجة اهزة....ليش اصبحت مكروه بعد المعزّة

[الحمداني]

متحزم احزامين واركض ورة الغيم ....حسبالي لعب اجعاب ثاري العشك ضيم

[قلب تحت الإنقاض]

لايرضه يمشي وياي لا بيه اعافه ...برطم يمن مديور عمري علشافه

[الحمداني]

حيل الكم اشتاكيت يالما تنشدون...ذنب الكلب يشتاك وتكت العيون

[قلب تحت الإنقاض]

خل شغلك اللاهيك شي ابده من شي
بآخر نفس ضليت بس كضني ارد حي
للشاعر عطا السعيدي

[الحمداني]

يمعزبة شيلي الزاد بالسم تعشيت جابولي طاري هواي بالزبدة غصيت

[الحمداني]

لاتعاشر البذات والماله تالي ...مثل اليلم الماي يرد جفة خالي

[عبد الرماحي]

عميه وجيجة حال وتون ضهره
استكفاه ابو حضيضان طكه وكسره

[عبد الرماحي]

عميه وجيجة حال وتون ضهره
استكفاه ابو حضيضان طكه وكسره
ابو زهراء

[عبد الرماحي]

كتله بويه كوم بيع البيت
يبوي يمهم بيت يتاجر
ماصدك ابوي وجه كام ينطي الوان
طلع حته ابوي على الحلو يفتر

[عبد الرماحي]

شجرةبوسط صحراء وزكيتك الماي
ماحسبت فديوم تكطعني يهواي
.........................................
بيت البنيته وياك واعكاده الاضلوع
ميخر وحك عيناك لو تمطر اسبوع
................................................
وردة وغصن مكسور ومفاركة الماي
هذا اني حالي عليك من تكطع وياي

تحيات عمكم
ابو زهراء
منقول

[رعد اللامي]

مغيمة ترى دنياي بس تمطر هموم
من فركتك لليوم صدكني ماكوم

يقلمي
رعد اللامي

[بنت الفرات]

ليش الفرح لحظات والهم ليالي
هوالفرح ممنوع لو سعره غالي

*************************
حايط صرت من طين مبني بجرف ماي

يوم على يوم يذوب من تكطع وياي

[الحمداني]

نتراهن انة وياك صدكني اغلبك
شوك ومحنة يفوز كلبي اعلة كلبك

[محمد قاسم البلداوي]

تشرق سماك هموم وتمطر صواريخ
بس أنتو رفــعت راس يشهد التاريخ
:u19::u19::u19:
هذا خاص ألك ياورده أنكتب بقلمي
:u19:تقبل مروري:u19:

[عبد الرماحي]

مليت اتاني الشوك يمته يجيني *** من فركه الاحباب انعمت عيني


بيك المحبه كتاب خليني صفحه *** لو سطر هم رضيت بس لاتمسحه


بهمي ماهميت ملتهي بهمك *** لاوين أدير العين ألكاهة يمك


شمعه واضــوي بلـــــــيل تكتــــــل حركتي *** تاليهه صــــــرت ارماد طشـــرني وكتـــــي

[العتابي]

داويت ما خليت كل جرح بيه
جرحك ابدماطاب صاير قضيه

بقلمي

[عبد الرماحي]

مبروك الاشراف استاذي العزيز

[العتابي]

اشكرك استاذي الفاضل

كحل العيون ايصير يوم الاشوفك
ما اكدر ابلياك لتضن اعوفك

[العتابي]

ورده وغصنها ازغير ريحتها تسحر
تسحكها خايب ليش ما تدري تسطر

بقلمي

[محمد الطائي]

البالبحر غركان ويمد لك أيده
أنت أفتهم يهواي شنهي اليريده

[دوله وعلم]

مو ظالم الحجاج !جيبوا علينه *** ملينه حكم اجناب والله انسبينه

[العتابي]

زين السبي واتكول من الحكومه
ما شفنه خير بيوم واحزاب كومه

بقلمي .

[محمد العلاق]

اكثر شي يؤلم الانسان هو الشماته


ميت شفت شمات يادنيه ميلي
ادفعت ملج الموت كمت اعله حيلي

بقلمي

[العتابي]

صاير طبع بالناس تنسه اليبعدون
بس انه ما انساك لو تعمه العيون

[احمد الناصري]

[COLOR="Blue"][SIZE="6"][B]بيت شعر لشاعر من ناحية ال بدير يكول
ريشة وتعاكس ريح هم شايف تطير؟
لو بالحديد اصغار دكوا بسامير؟

[الشاعر عراق السعداوي]

بالشده اعجبك حيل دوم اخفي نوحي
ولروحي ما اطيت لزمه عله روحي

هذا البيت الي
الشاعر عراق السعــــــــداوي

[عبد الرماحي]

بالشده اعجبك حيل دوم اخفي نوحي
ولروحي ما اطيت لزمه عله روحي

هذا البيت الي
الشاعر عراق السعــــــــداوي
ورد انت ورد

[محمد قاسم البلداوي]

السلام عليكم
هذا البيت الدارمي بقلمي
اهداء الى كل الاعضاء وبالخصوص صاحب الفكره الجميله والاداره الاجمل
ورده بغصن مكسور وبحاجة الماي
هذا انه حالي عليك من تبعد هواي
:u19:تحياتي للجميع:u19:

[الشاعر عراق السعداوي]

شايف غلاة العين هي وجفنها ؟
اجتافاتي للعباس انته اغلى منها


هذا البيت الي .. تحياتي لكم

[حسام11]

مو صحبة انــــــــــــــة وياك اغلى من الاخوان
هم شفت وردة تعيــــــــــــــــــش والغصن ذبلان

[حازم ال ذي قاري]

وردة وزرعها الشوكَـ روحي علبابك
وكل حصرة اجرها عليك تبجي بغيابك

[عبد الرماحي]

من كالت صباح الخير كلبي تفجر
ظربتني بنت الناس بالجبد خنجر

[عبد الرماحي]

شوف شكثر ميلات بيه الوكت مال
لكن ولا ذلييت كدام الانذال

[عبد الرماحي]

خافن يمر عليك بس هدمي يمشي
هذا انة بس خلصان ما بقي كلشي

[عبد الرماحي]

هم وقلق وأرهاق والوجع هايج
دكلي ولو مس كول والكعبه ضايج

[عبد الرماحي]

ليش الله من انطاك تنسه الوفه بساع,
هم شفت طاير طار ماحط على الگاع

[عبد الرماحي]

متعذبه روحي عليك بس حزني سكته
معقوله ما حسيت واحشني انته

[عبد الرماحي]

مشتعله نار الشوك وبكللبي تسعر
ذاب الكللب والروح وحبيبي ما مر

[حازم ال ذي قاري]

يا ويلي ويل الويل يا ويلي ويلي
ورث ضلع بجفاك من حر دليلي

بقلمي:u19:

[عبد الرماحي]

يلشايل الباكيت لطني ابجكارة
ماحاجة للشخاط موكلبي نارة

[الافق]

يلشايل الباكيت لطني ابجكارة


ماحاجة للشخاط موكلبي نارة



والحسين ضحكتني ياابو زهراء
بس اريد اتفسرلي
مامعنى لطني ابجكارة ..؟
والله حلوة بس ماعرفت كيف لطني أبجكارة ،، يعني شلون ترهم

تحياتي