علي العامري
02-08-2007, 04:07 AM
رسالة الى الدكتورة حسنة....
ياهو المنج اشرف خاطر اشكيلة
دليني يحسنة وباجر امشيلة
امشيلة واسولف كل حجي المهموم
كبل حفاي كالوا هسة ماكو هدوم
بيتي من القنابل والقصف مهدوم
وحكومة بلا حكومة بغير تشكيلة
تنازع عل كراسي والشعب حفاي
وابشرك لاغذا لاكهربا لاماي
احنة اهل النفط والكاك عز الماي
ياحسنة الحكومة تكدر "تشيلة"....."اقصد للماي"
حكومتنا الرشيدة ليش هالتأجيل
اي مونزلت علينة من السما سجيل
بلوة احنة ابتلينة قابل اهل الفيل
اي موهذا ابرهة خلونة نكفيلة
جوعنا ابرهة وجوع ابو الكفار
ثلث اسنين اسمع ما اشوف اعمار
بس بعض الحكومة اصبحوا تجار
بهاي اشهد يا حسنة بيوم وبليلة
تجار الحكومة والشعب حمال
وياهو اليجي باجر يغير الحال؟
من هاي السوالف حملونة اثقال
اذا ينعدل وضعي ينعدل ذيلة
حكومتنا الرشيدة ليش هذا البوك
ترة الهذا الشعب قط ما تضيع احقوق
باجر بانتفاضة نشك كثير حلوك
عرفنة الباكنة ونعرف اليأويلة
ياهو المنج اشرف خاطر اشكيلة
دليني يحسنة وباجر امشيلة
امشيلة واسولف كل حجي المهموم
كبل حفاي كالوا هسة ماكو هدوم
بيتي من القنابل والقصف مهدوم
وحكومة بلا حكومة بغير تشكيلة
تنازع عل كراسي والشعب حفاي
وابشرك لاغذا لاكهربا لاماي
احنة اهل النفط والكاك عز الماي
ياحسنة الحكومة تكدر "تشيلة"....."اقصد للماي"
حكومتنا الرشيدة ليش هالتأجيل
اي مونزلت علينة من السما سجيل
بلوة احنة ابتلينة قابل اهل الفيل
اي موهذا ابرهة خلونة نكفيلة
جوعنا ابرهة وجوع ابو الكفار
ثلث اسنين اسمع ما اشوف اعمار
بس بعض الحكومة اصبحوا تجار
بهاي اشهد يا حسنة بيوم وبليلة
تجار الحكومة والشعب حمال
وياهو اليجي باجر يغير الحال؟
من هاي السوالف حملونة اثقال
اذا ينعدل وضعي ينعدل ذيلة
حكومتنا الرشيدة ليش هذا البوك
ترة الهذا الشعب قط ما تضيع احقوق
باجر بانتفاضة نشك كثير حلوك
عرفنة الباكنة ونعرف اليأويلة