معاً لنسجل اجمل ابيات الابوذية

[جرح العراق]

بسم الله الرحمن الرحيم

السلام على اجمل اعضاء

دعوة للجميع من منتدى

اطياف عراقية

لكتابة اجمل ابيات الابوذية ولنكون معاً رصيد نفتخر به في منتدانا

وكي نرى ابداعكم او اختياركم

ولنبدء على بركة الله

..........................

جرح العراق

[غدير]

عنادك مانفع ياصاح وعياك
كلام الحق يلجمك حجر وعياك
لأنك جاهل ومحدود وعيك
نزعت إصويحبك جن جلد حية

******

للمرحوم الشاعر
( رحيم المالكي )

******

شكر خاص للمشرف الكريم
جرح العراق
على هذه المبادرة الرائعة
تحياتي

[الهلالي]

السلام عليكم جميعاً
اضم صوتي لصوت الاخت العزيزة
والغالية على قلوب جميع الاعضاء
غدير الولايه
واشكر الاخ العزيز والمشرف المحترم
جرح العراق
على هذه المبادره الطيبه
ونرجو من الجميع الاشتراك بها

علي الدين انبنه ابسيفه ورايه
علي البسمه انزلت ايه ور ايه
الدنيه احتارت ابفكره ورايه
ابو الحسنين تاج اعله البريه

تقبلوا شكري وتقديري لكم جميعاً

[اثير توشه]

يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه


مشرفنا العزيز الف شكر

[غدير]

إلك صار الكَلب سلوى ويظل لك
ويويله اليبعدك عني ويظلك
أغار عليك من تمشي ويه ظلك
وأغار عليك من روحي عليه

****

اخي العزيز الهلالي
شكراً لكلماتك الغالية

[الهلالي]

السلام عليكم جميعاً

لان طكَات عدواني بهاماي
وشل لا تظن عيني بهامالي
اذا مرة بصم عالذل بهاماي
اكَطعه انجان يرضالي برديه

اكرر شكري للسيد المشرف
جرح العراق
ونطلب الاخت العزيزة
غدير
بالمزيد لانها من مدينة الشعر والشعراء
تقبلوا شكري وتقديري لكم جميعاً

[حسام11]

الك يشكي الكلب همة ...وحالة
ولغز صدك صعب فهمة ..وحالة
الك حالة نفرحني ...وحالة
تخلي دموع روحي تكت بدية

[غدير]

روحي والهوى ودنياي وعداي
علي وشلون اشيل الجدم واعداي
صابر وانتظر واشوف وعداي
إبفرح لو دوم وكتي محيط بيه

[سمر]

الصراحه الموضوع اروع من كلمة رائع فنرجو من الجميع الاستمرار والمداومه

اليلح لامانزيد وياه ملحه
وسمعت بزاد طاب بدون ملحه
شرف النه اليكول اولاد ملحه
فخر مو عار لأهل الناصريه

[الهلالي]

السلام عليكم جميعاً

العليه غير اهلها من علاها
وروحي يخسه الكلك علاعلاها
بعزم الله نخلتي من علاها
يراموها بحجر وتضل صخيه

[الافق]

بعدني ألف وسفه الوكت عنك بعدني

أموت أو أرتجي وصــــــلك بعدني

أوتراني عالعهد باقـــــــــــي بعدني

تراك أنت النظــــــــــر والحيل بيه

[الهلالي]

تعكد حبلي وعلية تشح بالحال
يحال الما صفيت وياي بالحال
تدري لو غبت شيصير بالحال
احس لا حال الي ولا حيل بيه

[الافق]

حبيبي شيوصلك وانـت ثريه

نشف دمعك وانه دموعي ثريه

رغم عسري تظل نفسي ثريه

بظلام الليل اوجن لـك ثريه

ولن قلبك بلا رحــمه ثريه

[غدير]

إلك طول وإلك شامة وإلك عين
ثلاثة إنطبعن بكَلبي ولكعن
دعين الكَلب يمعود ولك عين
الكَلب ذاك الكَلب شيصبرا ليه

[الافق]

لويت الدهر مافد يـــوم حنيت

وديا من دموع العــــين حنيت

ييمه اوداعتج هالـــــيوم حنيت

أوشلت نار الدمع بجفوف أديه

[الهلالي]

الك مني رسالة شوَك نصاً
يالمتك جبال الشام نصن
مو حكَه دليلي انجسم نصين
نص الكم والآخر للاذيه

[ماسة]

روحي من الهجر نحلت وسالت
وعليه احباب لا نشدت وسالت
الف دمعه الجرت مني وسالت
ولا دمعه الجرت منهم عليه

[الافق]

الصديق اللي نشوفه نقي ونظيف

نود كل يوم نبدي اعليه ونضيف

على طيبه نجمل طيب ونضيف

بكثر معنى الحـروف الابجديه

[غدير]

تتنخه تريد أجيك اليوم بالحال
وإنته أعرف حبيب الروح بالحال
أنه شما احلهه وياك ماتقتنع بالحل
أدليك الدرب وترد عليه

****

للمرحوم الشاعر
(رحيم المالكي)

[الافق]

انت الشمس وانت البدر منهل

وشفافك طعم العســـــل منهل

قلبي بس إلك ياتــــرف منهل

الورد من تمر ياخـذ لك تحيه

[سمر]

اريد الزم خديدك واشتمنه
واريد العن ابيك واشتمنه
تدري شراد كلبي وشتمنه
على صدرك اموت وهاي هيه

[سمر]

وكافي من البعد ياترف بس بس
ومن البذنك عن الهجران بس بس
قبل تركض تجي لو صحت بس بس
شجاك شغيرك هسه عليه

[غدير]

بعد أيامي من دونك متراد
جروحي إبغير لجماتك متراد
كل اللي نظر وجهي متر رد
مايعرفني ويشبه عليه

[صفاء الانصاري]

لصوتك من تصيح الكلب ينشد
يلعب لعب بالأشعار ينشد
راح الصوت لأم كلثوم ينشد
لطمت لطم هذا العم عليه

تحياتي للجميع

[غدير]

علينه إطلع يبو صالح ولمنه
تراها الناس ماداوت ولمنه
إنت الأمـــل يلغايب ولمنه
وبلسم إنته لجروحي الخفية

[ماسة]

شعجب دفتر عشكنه ما تكلبه
وليش انت اليكلبك ما تكلبه
احس كلبي بغيابك مات كلبه
وكلب كلبي توفه وعم عليه

[غدير]

يارت من صدكَـ دنياي يارت
وعليه هموم يـابو هموم يارت
كَضه عمري تمني ريت ياريت
شمكضن خير جفي إترف خليه

[الافق]

لا تخشى الجمع وتگول غصـة
ترى المجداف للتثبيـت غصّـه
عسى الظالم يذوگ الموت غصة
بعد غصّة وجرع كـاس المنيـة

[غدير]

أبد مايوم من همك خليتان
وبعد خل ينتظر كَلبي خليتان
أخبرك بالجسد ظلن خليتان
إلك وحده اوهبتهه ووحده اليه

[عاشق بلد]

السلام عليكم
لفاني كتاب من خلي ومن اهلي
قريته وصب دمع عيني من اهلي
يدنيا انت الحرمتيني من اهلي
والله وسكنت الغرب من غصبا علية

[ملك النوارس]

عله افراكي يصاحب كول من شار
و بصابع اتهام الغدر من شار
خشبه انه وتراك اسنون منشار
تاكل من تروح وترد بيه

[غدير]

حبيبي العمر يركض مايتاني
وانا العطشان منك ماي اتاني
تعال اليوم باجر ميـت اني
ولو باخر نفس تلحكَـ عليه

[الافق]

احذر ياقلب تسمع وعدهن
شكثر دكات احسبهن وعدهن
يضل الفكر هاجرني وعدهن
بعكل مجنون مدري شصار بيه

[غدير]

تركني الدهر بالغربة بـلاسم
وضعف حيلي ومرد جبدي بلاسم
وأكيد الفرج لجروحي بـلاسم
يطيبهه ويرد روحي إليـه

[حسام11]

روحي بصحرة وعودك...لطمها
لأن هجرك بجف شامت ....لطمها
تكول وتدعي روحك...لطمها
مو لفلان الي . وتكذب علية

[غدير]

او من ترجتك دقبل رجمنه
تبنه من الهوى ولجلك رجمنه
عله مودك إذا يصبح رجمنه
إحجار الأرض مثل الواهلية

[الافق]

على شلكم يهل عذال ينصاب
تعذلوني ودمع العين ينصاب
يطيب الي بضربة رمح ينصاب
لجن جرح اللسان البيه اذيه

[غدير]

بعدنه وياك تونه مابدينه
وعله ربعك حنانك مابدينه
صابك طمع فرهد مابدينه
لون صابر خذت كلشي هدية

[سمر]

هلا بهلالكم يااحباب من هل
وعليكم دون دمع العين منهل
ومحبتكم عطر وتفوح منهل
وشوفتكم ترد الروح اليه

[غدير]

بعدكم هالكَلب حزنه تراكم
متعلمة عيوني يومية تراكم
غيابكم طوَّل ويطوِّل تراكم
إبهجركم ريتني شفت المنيه

[وسام العراقي]

وكتنه شلون ترجى راحه منه
وبأيام الطفولة راح املنه
واللي راح منك راح منه
وخسارتنه سوى وهمنه سويه

[غدير]

كَلبي إلجان إلك مسكن وإلك دار
إبجفاك الحزن شل حاله ولك دار
الوكت دولاب مل مني ولك دار
وإنته والوكت صرتوا عليه

[حسام11]

يهل تظفر بشعرك ظفر...لاحيل
بهيدة من تداوي الجرح...لاحيل
بعد الروح متم صبر ...لاحيل
الك الزين وصفيت عله الوطية

[الهلالي]

اوعى بالضماير ردت يوعان
طحت ما شفت منهم كام يوعان
صديجي اللي طعمته جان يوعان
مسح حلگه بقميصي وعظ اديّّه

[غدير]

إخذ دره التفيدك موش حي در
لأن دهرك عليك ردود حيدر > راح يدور
وتطيح ومايكظك غير حيدر
أوصيك إلتزم هاي الوصيه

[ماسة]

افكر بيك ياصاحب ولا نام
ولاغمض جفن عيني ولا نام
احبن اكعد كبالك ولانام
عزيز وشوفتك حسره عليه

[الهلالي]

صفيت أكتب ودهري علي يملي
ومن كثر النوايب ناخ يملي
نخيت اللي قصد للماي يملي
والصار بكربته هل صار بيه

[غدير]

جنيت إهموم حبك منت جاني
ويمر طيفك عليه منت جاني
صرت كاتب ومخرج ومنتج آني
أعد أفلام ضيم المر عليه

[الافق]

عليك الدمع مابطل وجاري
هلي ملو كثر نوحي وجاري
العلي ماصار بالدنية وجاري
صديجي والعدو طبكو علية

[ماسة]

انا المايوم خله وياك خليت
شجاك وبضهر سجين خليت
شعدي وشبقى ياترف خليت
صفه حتى البدي هم موش اليه

[غدير]

الدنيه بيش تطلبني وشلهه
فراكَك موَّت أعصابي وشلهه
دموع العين كلساعه وشلهه
بسبب فركَاك يلمبعد عليه

[الهلالي]

بس احنه المصايب صاحبنه
لان كلساع نفكد صاحب النه
ابنه المات محد صاح ابنه
اخاف نصيح ويذبحون اخيه

[ماسة]

الله الله تسلم ياهلالي
العمر ماي وتبده كلف لمه
وعلي نكبات هجرك صفن لمه
كتله شوكت تفرح كال لمه
اشوف جنازتك تعبر عليه

[غدير]

تعال أشكيلك إهمومي وإلي عين
وأريدك دوم إلي مسند وإلي عين
تعـاظم حبنه وأصبحنه وليعيـن
بحب حيـدر علي حـامي الحمية

[حسام11]

أنه المكسور دومي من لحمني
اشد خيوط ربعي من لحمني
أبي وما كلت روحي من لحم ني
تلحك تستوي وتنطيهه اديه

[الهلالي]

ماسة
ومن الهلالي بالنسبة لشجرة صندل المنتدى

الزعل بينك وبيني ابعيد خله
واحنا من الصبا ياصاح خله
تسدلي انت واسدلك دوم خله
وحجيهم عم عليك وعم عليه

[غدير]

إلج بس إنتي كَلبي ورجيته
ودمع العين يمج ورجيته
إبتعد كلمن نخيته ورجيته
ولا واحد إجاني وحن عليه

[ماسة]

ولمهن
الحادي وياي صفطهن ولمهن
ويكثرن من اعدنهن ولمهن
جروحي شلون اداويهن ولمهن
اصيح دخيل لوهاجن عليه

[الافق]

احترك من جسمي ونص طاف
بغيابك غرك نص مني ونص طاف
يريت المدرسه ترجع ونصطاف
وبمكان العلم ناخذلك تحيه

[وسام العراقي]

مأظن حبك يصل بالگلب باسلاك
وانا حاضر أموت الروح بس لاك
وان جان تلعب على الحبلين باسلاك
الي يحب بصدك مايهاب المنية

[الافق]

جرى دمعي على الخدين و إنهال
عسن وادي الطفوف إنرجل و إنهال
عليل بيا سبب أنسبي و أنهال
وأعوف أهلي جثث فوگ الوطية

[غدير]

يدنيه إسهامج بصدري تراماي
وسرابج يعكس بعيني ترا ماي
إذا ابوي البجه الحالي ترا امي
سواد إعيونهه إتصبهن عليه

[الافق]

سگاني الدهر من فركاك بس مر
وشهد ماشفت من دنياي بس مر
رمش عيني افرشه بساط بس مر
ترد الروح من تسال عليه.....

[الهلالي]

اهل البيت للدنيا عللهه
تطيب بذكر طاريهم عللهه
كل محنه التمر بينا علي الها
تذل اشما تكن صعبة وقوية

[الافق]

أبتلت روحي ولا يخلص بلاها
وبمحبتك ينتهي گلبي بلاها
بعذابك ياحــلو ربك بلاها
وتظل تنوح كـل صبح ومسيه

[ماسة]

احترام وشوك اطيعك لا له غيره
ودربك لا ابدله لااغيره
كلبك لاله رحمه لاله غيره
عكس كلبي الحمل حبك هويه

[الهلالي]

أنا لكل أخو أتعب وداري
وأعرفك تعرف البيه وداري
هاي الدار صح دارك وداري
لأن بالخوه عشناهه سويه

[الافق]

منو مثلي صبر للضيم...... ماهم
وجثير احباب وين اصبحو....ماهم
شما يثكل عليه الحمل.....ماهم
اهم بفراكم يصعب غليه

[غدير]

الدهر بهروش كَلبي سنين ماطل
ومره إعله الكَلب بالفرح ما طل
طويل الصبر بس وياك ماطال
أمد حبله ويرد مكَطوع إليه

[ماسة]

كلبي أبتده بحبك وانت هاله "ونتهى به"
وتنوح الروح لجلك وانت هاله
الكمر للسمه يضوي وانت هاله
تضوي للكمر لوخفت ضيه

[الهلالي]

تكافي من البعد يا ترف...بس بس
منو البذنك عالهجران...بس بس
جنت تركض ورايهاتكلي ...بس بس
شجاك اشغيرك هسة عليه

[الافق]

اسمك دوم بلساني ورد بيه
وعلى دربك كمت رايح ورد بيه
كل ضني الصخر يطلع ورد بيه
اشمه ويخف كل الهم عليه

[حسام11]

تهزهز يالحد وانثر ترابيك
عزيز الروح هل نايم ترابيك
باجر عيد وعيوني ترابيك
شلون العيد وانت اكطعت بية

:Iraq:

[الهلالي]

الف دنياي كلهه ماتلفني
عنيد وغير شخصك ماتلفني
عمت عين المنايا ماتلفني
اهل دنيا ومره تلعب عليــه

[ماسة]

تره الواشي عرف سرنه وشاعه
وابد لاتضن حبي جذب وشاعه
ان لقلبي خذت صوره واشعه
طلع مكتوب حبك للمنيه

[حسام11]

انة بهجرك وحى الروحي وحي الهه
والي كم مشكلة عالج وحله
الدنيا شما علي يثكل وحلهه
يضل حبك عطر ينثر علية

[الافق]

وحك من شدك ابكلبي وعيب حلاك
جمالك لغز يبقى صعب حلاك
تعرف ليش ربك حيل حلاك
حتى اتصير للوادم اذية

[الهلالي]

وحك الما خلك ربي شباهة
سبع نيران اله ابكلبي شباهة
اعذرة المادرة ابروحي شباهة
كتلني المطلع ويلوم بية

[ماسة]

البشر معدن تعرفه بيوم ينحاك
يوم التوكع ومكسور ينحاك
علي خيط المصايب كام ينحاك
واليكتلك اخوي الحاكه اليه

[القلب المحب]

بسمه تعالى



من مثلي تعذبت من صباها

ودم يجري دمعها من صباها

يبو فاظل العينك من صباها

انهدم سوري وعدوك شمت بيه


-------------


الشاعر الحسيني

سيد عدنان الحمامي للحوراء زينب عليها السلام

[الافق]

السلام عليكم ورحمة الله وبركاته
أختي الكريمه قلب الابيض ..لاداعي للعذر يابنت الاطياب
...
قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

[عطر الورد]

عذبني حبيب الروح وصفة
لأن خدة زلال الماي وصفة
مرضت مابعد بي تفيد وصفة
اموت ولا تدواه يصير الية

[الهلالي]

روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

[علاء الدليمي]

شكر خاص للمشرف على هذه المبادره الجميله

[غيث الحداد]

مشرفنا العزيز الف الف شكر على هذا الموضوع ..
وهاي ابيات من الابوذيات مني لجميع اعضاء المنتدى تقبل مروري
اخوك غيث الحداد
وثيقه بكل فخر كلبي وثق لك
جبل ماشفت بخلاقك وثق لك
يرخص لك دمع عيني وثق لك
الكلب والروح اقدمهن هديه

نص احترك من جسمي ونص طاف
بغيابك غرك نص مني ونص طاف
يريت المدرسه ترجع ونصطاف
وبمكان العلم ناخذلك تحيه

ياترف لو نفترض ربك محلاك
هم يجي واحد وياخذ محلاك
عكدتك بلكلب عكده محلاك
الا وي الكلب تطلع سويه

شعجب دفتر عشكنه ما تكلبه
وليش انت اليكلبك ما تكلبه
ترى كلبي ابغيابك مات كلبه
كلب كلبي توفه وعم عليه

[علاء الدليمي]

شكرا خاص للسيد المشرف على هذه المعاني الجميله من اتماك الكلمات الجميله

[حسام11]

اظن وني ترس سمعك وكفاك
من اكلك مدلي ذرعانك وكفك
كتلك ليه فك كفك وكف فاك
تفك فاك وتكف كفك عليه؟

[ماسة]

الدهر ما سل عليَ سيفه ولا حد
اصيل و ثابت برايي و لا حد
ابــت اخلاقنـــه نـــــآذي و لاحــد
الَـــه اللي بده ويــانه بأذيــه

[حسام11]

اسف بغداد من عالي هويتي
حره شلون للغاصب هويتي
على اسوارج غرب شگو هويتي
شلت طينچ صفه بجيبي هويه

:unlove::unlove::unlove:

[ماسة]

بدمع عيني اكتبتلك خاطر انه
والك مايوم كافر خاطر انه
غير انت تجيني خاطر انه
اجيلك معتني زحوف عله ديه

[عباس العتابي]

[الج بغداد ازف اجمل تحيه ؛::واحملج ورد بثنين اديه: انتي ام الحضارات :لاتبجين هيهات اخذي انتي القلب اجمل هديه

[حسام11]

الغيرك مانبض گلبي ولادگ
ثگيل وياك ميزاني ولادگ
بعد لارمش عليكم ولادگ
اريد وجوه تتلاكه سويه

[الافق]

وصي ولا نبي گبلك حِمَلها
إبتلائك وإنت عز إلها وحِمى إلها
شلون بسگطة الزهرة حَمِلها
بين الباب والحايط رمية

[ماسة]

نثرت دموعي للاسمر والاكحل
وصبغ وجانتي بخدودي ولك حل
صدكني سهل انت ولك حل
احلك لو ترد انت علية

[سمر]

عنيت وبس عليك الجدم يعني
و لاغيرك الي بالناس يعني
اكله شكد تحبني يكلي يعني
شنو اليعني ومنو يفسرهه اليه

[الكبيسي]

بعد لتكلي عنك منتكلي

وعلي مفروض امرك منتكلي

اشتريد اتصير كلي منتكلي

ولا خليت مني شويه ليه

[الحمداني]

هلاكك طب وسط كلبي فهلك
عيوني الما فهن لحد فهنلك
فقط بيك الكلب فكر فهلك ؟
كلب مثلي يفكر فقط بية

مع تقديري واعتزازي بكل ماكتب قبلي

[الحمداني]

الاخو المالك عليه مونه وشرهه
تجنب من هوى طباعه وشرهه
اخذ عشرة غريب الدم وشرهه
عوض عن عشرة الذاته ردية

مع تحياتي لكل من تجود نفسه بكلمة شاعرية واحدة

[رعد اللامي]

جاري
مثل ضيمي ابد للغير جاري
و سبب علتي صبح ياناس جاري
تصب عيني بجفاه دموم جاري
وهو عينه خفت من سمع بيه

عودي
لطبع حبج يسمرة ارجوج عودي
ذبل واصفر تره بجفاج عودي
عزف ون الحمام عليج عودي
وابجه المامش بكلبه خطية



تقبلوا تحياتي

صديقكم
رعد اللامي

[حسام11]

ماضن بالعهد وياي ....خليت
ولجروحي دوة بيديك.....خليت
احاجيك بصراحة لعقلي ....خليت
شنو انت وهواك شلعب بيـــــــــــة

[رعد اللامي]

بدينه
من اطياف للعالم بدينه
وجبناله الفرح والله بدينه
عهد الاعضاء ولك يوفي بدينه
للاجل كلمة عراقي تعله هيه


ولامي
ياعراق حبك مومثل حب والدي ولامي
ولاريد الهواء بعدك ولامي
المهاجر وي حسام ومالكي ولامي
تكتبلك قصائد وابوذيه

[حسام11]

الراحة والهنة الروحي ...جفنها
وعيني ماغمض بعدك ....جفنها
سيوفك غرزت بكلبي ...جفنها
وطحت بسيوف هجرانك ضحيــــــــــــــة

[غيث الحداد]

مجلب لارضى يهدني ونهدة
ساعة ولا رضى نكعد ونهدة
ابوس بي من شفته منهدة
ومن صارت صدك بدل علية

تحياتي

[حسام11]

بسمة خلك كمر عالي وسامي
وبصدري حلو حبك وسامي
حفظت هواي القاب واسامي
وعد اسمك صفن كلهن اذية

[غيث الحداد]

اريد الزم خديدك واشتمنه
واريد انعل ابيك واشتمنه
سالني شراد كلبي وشتمنه
على صدرك اموت وهاي هيه

[غيث الحداد]

غرامك بالكلب حافر وناقش
وصرت نيران تحركني وانا قش
اريد اكعد وياك احجي واناقش
واكلك لشوكت تقسي علية

[غيث الحداد]

دنت روحي عليكم بعد شدنـــــــــــــــي
ونبض كلبك عجيب اشلون شدنـــــــي
احلفك روح بالعباس شدنــــــــــــــــي
شاعر كول وتخبل عليـــــــــــــــــــــــــه
ــــــــــــــــــــــــــــــــــــــــــــــــــ ــــــ
اريد اتكحّل اعيوني وعن بيــــــــك
وتعين ابكلبك اكليبي وعن بيـــــــك
العنب بالكاع اشوفنه وعنبــــــــــك
صدك عالي لجن نفسي دنيـــــــّـــــــه

[غيث الحداد]

طيوفك علي توالي الليل مرات
وعكب هجرك ضكت شكثر مرات
تفرحني مرة وتبجيني مرات
وعيوني من البجي طاحن بديه

[غيث الحداد]

شطر من كلبي أخذة ومنة خل تك
وبعد شترجة كاعد من نخلتك
على الغربيل أعاين من نخلتك
طحت مني كبل لا هز أديــة

[رندة]

بحضنــــــــــك ياوطن اغفة وانامن
وبدونــــــــــك ياوطن ضايع وانامن
يســـــــالوني احبك كلت انا من
حبــــــــة لقــــــــب سويته الية

[رندة]

عليـــك الروح تجذبني واردهة
لان كلبــي نبع صافي وردهة
شلون تغيب وانت اسمك وردهة
واردلك شعر غصبا علية

[غيث الحداد]

فرصة انطيني وامهلني لعلماك
اخاف تكول ما ادري لعلمك
انة السارية الواكف لعلماك
من اطيح اتطيح خركة اعلة الوطية

[ياسر]

يراس المال انت والتجاره ...

وعليك الدمع ما بطل وتجاره...

يهنياله الصار جارك وانت جاره....

حتى يشوفك بكل صباح وكل مسيه

[رندة]

نثرت دمـــــــــوعي للاسمر والاكحل
وصبغ وجــــــانتي على خدودي ولك حل
صدكنــــــي سهل انت ولـــــــك حــــــل
احــــــــــلك لو ما ترد انـــــــــــت علية

[رندة]

عيونك تصيب الكلب بسهام
يلي ابد ما شفت بهواك بسهام
انا طير المهاجر بالفضاء بسهام
اشوفك وانا تاية بلبرية

[ماسة]

وجت نار كلبي ..بس طفت بيك

ولو مو كعبه انت ..بس طفت بيك

امس مو نايم انه ..بس طفت بيك

ولهسه طيوفك مجلبات بيه

[رندة]

روحي من المصايب ..ناخذلها
وشفت جف الكرامة ..ناخذلها
اكو وادم تحية ..ناخذلها
وهي لجتالنه تاخذ تحية

[حسام11]

أم الخير أمنــه . مَن على أمنه .؟
ونعلم الدنــيا صّدگ . من علمِنة .
ثلث نجمـات راحـن . من علمنه
وبعـــد چم يوم يلغــون التحيــة

للشاعر
زياد البصراوي

[غيث الحداد]

علي ما فضل احد وانت فضلاك
اهد وافزع ودورن وانتفض لك
يبيك شلون خانوا وانت فضلاك
عليهم مثل فضل امي علية

[غيث الحداد]

احبك لو على ايدك صار كتلي
ومنك ما اردين فصل كتلي
اذا اهلي انعتو بفلوس كتلي
افر من الكبر وامشي على اديه

[فراس]

كاتلني برمش عينة وسنــــة
وانة لجلي بجت شيعة وسنــة
لجر سيف الهجر بيدي وسنة
وحارب كل من يمنعك عليــــة
ـــــــــــــــــــــــــــــــــــــ
تحياتي للجميع

[غيث الحداد]

لكَعد حبك بكَلبي وابيته
وبمرض فرگاك گَلبي عليك ابيته
گلبي يعتبرك موطنه وناسه وبيته
والي يظل بلا وطن كل عمره أذيه

[فراس]

لعب بية الزمان شلون ميمر
وجفا عني العزيز وبعد مامــــر
انة الحنضل جرعتة وياك مامر
الامر فركاك يمعود علية

[المــــغرورة]

آدًٍكَ عًٍليَكَ يَكَوٍل آلطُْلبٌَِ جًِْآرٌٍيَ

وٍدًٍمًعًٍيَ عًٍليَكَ فْوٍكَ آلخٌِدًٍ جًِْآرٌٍيَ

رٌٍيَتُِِّْكَ يَآ آلعًٍزٍُيَزٍُ تُِِّْصٍْيَرٌٍ جًِْآرٌٍيَ

وٍآشًِْوٍفْكَ كَل صٍْبٌَِحٍّ وٍمًسٌِِّيَهٍَ
ـِِّـِِّـِِّـِِّـِِّـِِّـِِّـِِّـِِّـِِّـِِّـِِّـّ ِِـِِّـِِّـِِّـِِّـِِّـِِّـِِّـِِّـِِّـِِّـِِّـِِّ ـِِّـِِّـِِّـِِّـِِّـِِّـِِّـِِّـِِّـِِّـِِّـِِّـّ ِِـِِّـِِّـِِّـِِّـِِّـِِّ

تُِِّْقٌٍبٌَِلوٍ مًرٌٍوٍرٌٍيَ

[هــــــــــادي]

بقلمي


شيجينه من الزمان نكول نعـــــمه
على فراك النودهم راح نعـــــــــمه
حسافه مجلبه بغربيل نعـــــــــــمه
ويطيح الخشن منهه على الوطيه

[غيث الحداد]

الي موال خلي وبستك انه
وشكر ذابت شفافه بستكانه
امس بالطيف كتله بستك انه
من اهد ماكتله ما راضي عليه
تحياتي

[فراس]

العمر ذلة بغيابك ياهوانــــة
نفس ونريد شمك ياهوانة
اتيه الروح يمك ياهو انـــــة
حبيبي واعز من روحي علية

[غيث الحداد]

يمن هجرك بلب حشاي وسم
يخايب ليش بيه تبيع وتسوم
اخير الروح بين الخنك والسم
السم والخنك رادتهن سويه

[فراس]

تحب بلوجــــــــــــــه فاتحت من
ولمن حجيت بحبي فاتحت من
كتلتني وجاي تسال فاتحت من
ولاجنك رحت جناز بية
لكل حبيب وغالي

[الافق]

بـحـدايــق قــلـبــي بـــس أزرع وردهــــم
وتــربــي الــــروح مــن أوصــل وردهــم
واعــــــوف الــمــاتـــوالاهـــــم واردهــــم
وأظــل أمــشــي بــضــعــنـهـم لـلــمـنــيـة

:u19::u19::u19::u19:

[أمير الحب]

حرت شرسم جمالك شرسماني
نعتني بطيب گلبي شرسماني
بديت ابرمشك ارسم شرسماني
ماگادر ولك رجّفت اديه

[أمير الحب]

ترف كلبي يدك عليك بس تك
طير ابدونك وجنحانه بس تك
ابخدك علاجي ولون بــــستك
اطيب وما يظل كل مرض بيه

[الحمداني]

عليك المات والحي سائل آني
صلب لكن لربعي سائل آني
اجيت لباب بيتك سائل آني
إذا ما تنطي ليش تكص ادية

للشاعر عماد الناصري
مع التحية

[الحمداني]

فت خدي مسيل الدمع وكراه
ومحرمني لذيذ الوسن وكراه
احومن مثل طير الفكد وكراه
شما وجي حدة يصيحون بية

[فراس]

أريد اعرف عشيرتهة واصلهة
شوكت اكدر أروح الهة وأصلهة
و أصيرن دوم أراسلها وأصلهة
و تهنة الروح من بعد الاذية

[فراس]

طبايعكم الحلوة منزلة النة
وعلمكم يضل عالي منزلنة
نريد انشوف يمكم منزل النة
وكل ليلة احط ايدك بدية

[أمير الحب]

وينــــــــــــــك يل جنت اناديك بسكوت
ودمع العيـــــــــن يجري عليك بسكوت
والك اني الي نطيتك نستله وبسكوت
عنــــــــــــــــــــدك ببسي وتضمه عليه

[أمير الحب]

زمان الشوم ضيعنا وضعنا
وبين النعل والحافر وضعنا
بعد هيهات ما يعدل وضعنا
عدنا الموت والعيشة سوية

[أمير الحب]

يلي جرحت گلبي وانه شاهد
شلزم من عشرتك و اش اهد
خل غيرك حكم ونته.. شاهد
شوف اشخذت وشخليت اليه

[أمير الحب]

خذت مني حبيبي البيه ساهــي
الورد خدة يصك جانون ساهـي
ولك شفته طعم ساهون ساهـي
مضغه من الطبيب اشلون بيه

[أمير الحب]

لــحن ونحب ونوحن وون ونفات
وســايل عن شريچ العگل وين فات
لو مــالي زفـير ايهيج وانــفت
احترگت ابنار دلالي سريه

[الهلالي]

حسن يبني تلكَل الضيف حي بيه
ياهو الجمع مال وراح حي بيه
عسى زاد البخيل سموم حي بيه
يلدغه بكل صباح وكل مسيه

[دمعة طفل]

الغيرك لاصفة كلبي .. ولاحن
ونجومك البسمة سطعن .. ولاحن
قصيدة حروفك أكتبهن .. ولحن
وسوي أسمك نشيد المستنصرية

ما اعرف اسم الشاعر <p><a href="register.php"><img border="0" src="images/nolink.gif"></a></p>

[قلب تحت الإنقاض]

السبب مو بلي تدرس بل بسته
وأشماً عطر جوري بالبسته
تكلي مابسته بل بسته
وبوسته لهسه تبوس بيه

[الحمداني]

جمالك طب وسط كلبي فهلك
عيوني الما فهن لحد فهلك
فقط بيك الكلب فكر فهل لك
كلب مثلي يفكر فقط بية

[دمعة طفل]

قلب تحت الانقاض
الحمداني
تسلمون على الابوذيات الحلوه

دمعي اعليك فايض وين اكته
وتطيح دموم منه وي نكته
اناشد دوم واسأل وينك اته
تعال الفاتحة اقراهه عليه

[قلب تحت الإنقاض]

دمعة طفل
تسلمين كلك ذوق وأيضاً أبوذيتك رائعة.

المصايب عكب عينك علي جدت
لعب وي غيري بس وياي جدت
أيدي وتدري مافد يوم جدت
أبشرك راح أمد اثنين أديه

[الهلالي]

باج وما حصد بردي منجلاي
وادري اللؤم يتبعني منجلاي
كلت ترخصلي الغالي منجلاي
..........
نسيته

[FreakyGirL]

تضل تبجي لون تسمع معاناي
وغنه لو سولفت همي مع ناي
المصايب ترجمـن بيه معاني
كلمن فكر ياخـذ درس بيــه

[دمعة طفل]

قلب تحت الانقاض
انت اصل الذوق
هذا مني الك

وحكَ الي تعبده الناس ... واحد
حبيب الكَلب موش ثنين ... واحد
إذا للخوه ردت اختار ... واحد
أختارك الك وانسه البقيه

[دمعة طفل]

تضل تبجي لون تسمع معاناي


وغنه لو سولفت همي مع ناي
المصايب ترجمـن بيه معاني

كلمن فكر ياخـذ درس بيــه



حبي فريكي

ضليت صافنه شكتب الج
ذكرت هذا الابوذيه الي انتي تحبينه




مشغولين بيمن .. من شغلكم
ولو مو شغلي هذا .. من شغلكم
بعد ماراح ابجي .. من شغلكم
اموتا راح واخصمه القضية

[دمعة طفل]

باج وما حصد بردي منجلاي
وادري اللؤم يتبعني منجلاي
كلت ترخصلي الغالي منجلاي
..........
نسيته

الهلالي دومك ناسي
يلا من ترجع الك الذاكره نريد التكمله

وهذا الك الابوذيه

يجي يوم وتشوف نجوم .. ضهراك
عبن كلبك جذب مو مثل .. ضهراك
انا البلشده جنت حزام .. ضهراك
شعجب كدامك يطعنون بيه

[قلب تحت الإنقاض]

أذن كلبي باسمك هاك أذانه
أموت وماأكلك هاكذا انه
طفل كلبي وتجاوز هاك اذانه
الويها ارجوك خاف يعم علية

[دمعة طفل]

صرنه نجوم لكـن - مالمعنـه
والف يا وسفه بختك - مالَ معنه
زعلـك صـار ماصـخ- ماله معنه
اراضيـك وترد تزعــل عليـــــه

للشاعر زياد البصري

[الحمداني]

انة الظاهر والمبين ولا خاف
وانة الما رجف كلبي ولا خاف وانة
وانة المانكص وزني ولا خاف
اختفيت وخفت خف وزني علية

[bluebird]

اجيب السمم بدية ولهمنة
على الناكر هوانة والهملنة
خل الفرح عندك والهم النا
المهم انت سعيد وهاي هية

[دمعة طفل]

وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه

[الحمداني]

منخل صار دلالي من الخل
الشهد ماكمت اميزنة من الخل
ثلثين الولد كالو من الخال
والك ثلثيثينهن غيرة وحمية

[الحمداني]

تشب النار من جدمي لهاماي
واحسب الناس كلهة تهم لهاماي
وينة الشايل الجربة لها ماي
يطفيهة كبل لتعم علية

[الهلالي]

الهلالي دومك ناسي
يلا من ترجع الك الذاكره نريد التكمله
شلون ما انسى وشلون ما يشكل عندي الضغط ويصعد السكر
وانتي كبالي وين ما اروح عبالك ملج الموت
وتعالي يابه منو هذا الي راح يشوفني انجوم الظهر بس لا انتي؟؟؟
سنان عوفني اليوم اليوم
ـــــــــــ
تلوب الروح مشتاكــه لهلها
ودموع الشـوك بغيابك لهلها
شحال الدار لو راحوا اهلها
جاوبني يهل مبعد عليه

[كبرياء]

اروح لوين؟؟ مااكدر .. هوه انت -هواء-
وانه ال ماهان .. من اجلك .. هونته -هان لك-
الي بدنياي شي واحد .. هو انت -واضحه ههههههه-
واذا انت رحت شيضل اليه؟

[دمعة طفل]

الهلالي دومك ناسي
يلا من ترجع الك الذاكره نريد التكمله
شلون ما انسى وشلون ما يشكل عندي الضغط ويصعد السكر
وانتي كبالي وين ما اروح عبالك ملج الموت
وتعالي يابه منو هذا الي راح يشوفني انجوم الظهر بس لا انتي؟؟؟
سنان عوفني اليوم اليوم
ـــــــــــ
تلوب الروح مشتاكــه لهلها
ودموع الشـوك بغيابك لهلها
شحال الدار لو راحوا اهلها
جاوبني يهل مبعد عليه

خوش تعلاكه اني
حجتك اني كبالك
وكتب الابوذيه الثاني وما كملت ذاك
يلا الهلالي هاي الك الابوذيه لان الابوذيه القبلها معجبتك


انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية

[دمعة طفل]

ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية

الجواب

العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية

[دمعة طفل]

هاي البوذيه الحياتي الغاليه فريكي

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

[الهلالي]

دمعة شكراً
حبك بلقلب ياصاح .. زلزال
ومن تبعد علية ايطيح .. زلزال
اكص الساني لو وياك .. زل زل
واكص ايدي التمسك بالأذية

[الحمداني]

مجلب وانتخي بعضاي...ماهاد
اببحر والروج عني ابد ....ماهاد
يهددني زماني يريد ....ما هاد
يهبة وانه اشكثر هدات الية

[الحمداني]

ريت الموت الي ابها لحال يدنه
نموت او لا نمد للغير يدنه
لاسيد وكول ابجاه يدنه
شكل للناس لو مديت اديه

[الحلم البعيد]

نحبكم ونحب كلمــــن ............. من هواكم

واتنفس ياترف تـدري ............. من هواكم

دليلي الماعرف سلوة ............. من هواكم

مسة بشوك ودموع واذية

[الحلم البعيد]

ياورد يمت،ة نضوك .......... شهداك

مجرم عشك واحتاج ........... شهداك

احتار الـــك بالعــيد ............ شهداك

ودي اهديك كلبي لو بدية

[الحلم البعيد]

إلك صار الكَلب سلوى ويظل لك
ويويله اليبعدك عني ويظلك
أغار عليك من تمشي ويه ظلك
وأغار عليك من روحي عليه

[الحلم البعيد]

أصد وازعل وادير العين طبعان
لجن لجمات إلك بالقلــب طبعان
حلو بكلشي لكن بيــــــك طبعان
تـشــــك وتــغار بيــــــــها عليه

[حيدر الحسني]

اخوية.....
ياما وياك اجد وتعب وانت داري
وعليك ايخاف كلبي وانت داري
انت اهلي وعمامي وانت داري
....... انت امي وابوي واخ الية

[الحمداني]

اشمريد الهي الكلب ونساك بلهاي
احس الغرغره والموت بلهاي
عمت بجفاك هاي العين بلهاي
انعمن كفن تعال اوكود بيه

[الحمداني]

الك مني رسالة شوك نصن
يالمنك جبال الشام نصن
مو حكة دليلي انجسم نصين
نص الكم والاخر للاذية

[الحمداني]

اضل احسب بزلاتك واعد لك
وبعد هينوب ما اصدك وعد لك
بمفصل كصب لو احطك واعدلك
سنة وتطلع العوجة ذيج هية

[هــــــــــادي]

شيجينه من الزمان نكول نعـــــمه
وعلى فراك النودهم راح نعـــــــمه
حسافه مجلبه بغربيل نعـــــــــــمه
ويطيح الخشن منهه على الوطيه

[الحمداني]

صفنتلهة وضربت اخماس بسداس
وتعبت اعلة البنيتة وياك بس داس
حسافة انتة لعبت وياي بسداس
اغلبتني بطيبتي العمت علية

[شمس الجنوب]

[ولو للمال انا محتاج جدا
اكطع اجفوفي اذا فد يوم جدن
اصيل انا والي بالكرم جدين
اسأل العراق وحاتم ايشهدن عليه

[الحمداني]

وحك اللي بحبل للشام ينكاد
انحلت بس النبض بالجسد ينكاد
اجلد خاف خصمي علي ينكاد
ولو روحي تعالج بالمنية

[عبد الرماحي]

وحك اللي بحبل للشام ينكاد
انحلت بس النبض بالجسد ينكاد
اجلد خاف خصمي علي ينكاد
ولو روحي تعالج بالمنية

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يصاحب بس نبض ظليت ينكاد
الوكت خله صديجي علي ينكاد
هم شفت الاصيل الفلت ينكاد
الوكت مزري وزماني خان بيه
تقبل مروري
ابو زهراء

[الحمداني]

الك جانون وسط الكلب وي ما
انطفة وصارت صلاتي همس وايما
من يوم العفتنة ورحت وي ما
جفيت الحزن ذب روحة علية

[الهلالي]

حرت وياك شرسلك شهدلك
وانت الزين بغيابك شهد لك
اخذ كلمة وعد مني شهدلك
وكرنتي انطيك ثابت للمنيه

للشاعرة شهد الشمري
مقدمة برنامج شهد والشعر

[الهلالي]

وحق حجة اللهك منتظركم
روحي بنار احطه من تظركم
صار شكد اتاني منتظركم
سبع ساعات ما فكرتو بيه


للشاعرة
شــــــهد الشمري

[عنوان الايثار]

يصاحب من تماشي انسان كلبه
ودور بالأساس وشوف كلبه
اذا شفته اناني وبي كلبه
تجنب ماوراه غير الأذيه

[mawj]

شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه

[المخلص]

السلام عليكم
اليحبك اقوم اجلالا لحسنك واقف لك
واسجل كلبي ياخلي وقف لك
واحطك بي واقفلنك واقفلك
واطب بكلبي واقفلكم علية

[محمد قاسم البلداوي]

سبب علتي ومرد روحي وك جفاك
دوه لروحي وصف كلبي وك جفاك
سألت أمي وردتلي وك جفــــــــاك
تحبه شلون وأنته البيك بيه
:u23: كتبت بقلمي:u23:

[بنت السيبه]

طاح الكلب غركان مايك صفه عليه يترجه منك عون ذب حبلك عليه

[بنت السيبه]

ذبيته حبلي عليه كلبك لمن طاح راح وياجري الماي والحبل مالاح

[بنت السيبه]

كون الحبل مالاح طب جيت عليه وتعارك وي الموج ولجرف دليه

[بنت السيبه]

جيتت ماضليت يلكتلي جيت لكن بعد شيفيد طلعته ميت

[عبد الرماحي]

قفل حبك بكلبي سكراني
وماي السان حلكك سكراني
ابشرك صار بيه سكر اني
حلاة شفايفك عمن عليه

[العتابي]

العلية غير اهلها من علاها
وروحي خسة الكلك من علاها
بعزم الله نخلتي من علاها
يراموها بحجر وتضل صخيه

[نبيل الشويلي]

ابو حسين
صرت شاعر بحبك ونته نايم
اسف لوازعجك وانته نايم
اريد ارسل رساله ونته نايم
تفز الصبح تلكاهه هديه

[عبد الرماحي]

ابو حسين
روحي برشف خدك من عداها
احب وصلك وهابك من عداها
افراكك يوم احمله من عداها
ازورك لو تصير احزاب اليه

[عبد الرماحي]

عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه
...................................
غريب انه عكَبكم صرت برضاي
زعلكم والجفا ماجان برضاي
سبب ليه جفاكم موت برضاي
ولاينفع علاج اليوم ليه

[العتابي]

دامت هالجمعة الحلوة ,, واكول

دعيت الباري ميصيبك قدر ما
وهديتك روحي بس ردلي قدر ما
شجاك تقيدت انته قدر ما
كلبجاتك دمن معصم اديه

[دوله وعلم]

الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمع طيب ونضيف
بكثر معنى الحـروف الابجدية

[العتابي]

كلبي مافرح عكبك ولاسار
او جدمي ماخطى الغيرك ولاسار
أخبرك مابقت جـــــــــلمه ولاسر
فضحني الدمع من غصبن عليه

[دوله وعلم]

بحذر واصعد عليهن ساف منساف
لهه يمة محمد عين منساف
لهه جعود فوك المتن منساف
ولها منحر يوسدني المنية

[العتابي]

يلوم المادره بروحي شمرها
مايدري الدهر عن ودهم شمرها
ليالي افراكَهم والله شمرها
أمر من المنازع بالمنيه

[رياض الناشي]

الفخر للكمطت مثلك بسله00000 على العدوان سم قاطع بسله00000 اجم حيد الذي منك بسله وجم خايف وكف وابده التحيه000000
مع جزيل شكري وامتناني لطرحك