اكتب بيت من الزهيري...لنتمتع به

[جرح العراق]

السلام عليكم
يسمى الدارمي بشعر البنات عند الكثير من الشعراء

وكما هو معهود عن العراقي يتلذذ بالاحزان اخترع الابوذية ويقصد بها

ابو الاذية وهي اصعب من الدارمي

ولكي لايدخل مجال الشعر من هب ودب

اخترع للمبدعين نوع من الشعر سمي

بالزهيري

وهو الاصعب من كليهما

لكن الزهيري من اجمل الالوان الشعرية وله متذوقية

هذه دعوة للجميع ان يسجل هنا ماتذوق من زهيري وتمتع بنكهته العراقية

وحتى نكون معا رصيد من ابيات الزهيري على الرغم من قلتها وندرتها في قاموس شعرنا الشعبي

......................
جرح العراق

[حسام11]

يل ماشي صوب الوطن اخذ العتب ...بلغه (وصله)
للما لكوله وصف اهل اللغه.......... بالغه (اللغه)
كله يراعي الفضل فضلك منو .......با لغه (واصله)
ثوب الولايه الك لايك فصال .........وخام (مقصود القماش)
غيرك دليلي شعرف من ظاع دربه ..وخم (وبحث)
ايات تشهد الك ياعلي ويشهد ......خم (غدير خم) موقع مبايعه المؤمنين لعلي ع
طاح عله روس الخلك حبك علي نبلغه

[ماسة]

يا صاح هذا الوكت مابيه صاحب وفي

بيه التجافي اشكثر والغدر وسطه وفيه

جنت بشتاك الشمس وبالصيف شجره وفي

جاليش هسه ولك لا تسأل ولاتنشد

كل دمعه مني حزن شعرا الك تنشد

احس روحي كومة سعف ما ظن بعد تنشد

وانوب انته تجي وتذب علي سله

لاعنب منك شفت لا حصلت سله

من يوم ضعنك رحل صاب الجدم سله

اصرخ بصوتي وافز بالليل جم مره

وما يوم طيفك خطف مامر علي مره

الدنيه يا صاحبي عكبك صفت مره

بيد الغشيم اصبحت والدين منه راح

اصبع ندامه اعض واصفك ابراحي راح

املاوح ويه الزمن مايوم عمري راح

مثل البلابل طبع بل احلى واجمل ورق

عشرتي وياك اصبحت عشرة كواغد ورق

انهاري ضيم وحزن والليل حسره ورق

واسهر واتاني الفجر واحسب انجومك وعد

كلما اعدهن ارد اغلط بعدهن واعيد

اتعهد اني الك من عندي تاخذ وعد

دور ابهذا الزمن ماتلكه صاحب وفي

[حسام11]

ياصاح بيت الوطن وكل احنه بي عايلة
وجانت النخلة تون لو صح جبل عايلة
مايوم خان الوفة وماخاوتة عايلة
طيب واصيل النسب وللي نخا منجده
هوه ابجدية العرب تاريخة ومنجده
ميز شقة موطني ياجاهلي منجده
العراق ظل للابد ينزف جرح عايلة

[علاء الدليمي]

الطيب اصلك والفخر للي يماشيك والذوق شخصك يا مسعد من يخاويك

[حسام11]

مسجون جان الوطن ونهرينه اله جامعه
وجان الكنيسة تون ويهل دمع جامعه
لكن بقه بهيبته وكل البخت جامعه
من حيث رغم الجره ما چف يمد طلاب
ومامن ذلول غده وفرسًُ وراه طلاب
من نار البكلبهم ركضوا على الطلاب
بلكت يموت الوطن من تنزف الجامعه

:3dflagsdotcom_iraq_

[حسام11]

ياصاح گلبي انفطر بيها اسكنت ارضه
من يوم شال الولف ماتنعرف ارضه
ياترف بس عود الي وزعل علي وارضه
ترى بجفاك الجفن صعبه يصاحب ارق
انت تظل بعيني أجمل واحسن وارق
وانت النبض للگلب مو بس كتابة ورق
والله مابدلك بكنوز السما وارضه
:(33)::(33)::(33):

[الكبيسي]

مو ذاك حبــــــــــــــك الي والشوكَ جنه برد
مرسال دزيته الك مافرحتـــــــــــــــــني برد
السيف الهجر ياترف مـــــــن حشماك وبرد
حبيتك وغيبتك للـــــــــــــــــروح ظلت تسل
ماصدكَ واعتقد سيفك ابوجهـــــــــي تسل
تجذب اظنوني اشوكت لمن تجيني وتسل
واليوم مرت سنه والحال نفـــــــــــس الحال
ياهو العي ّ غيرك بينك وبينــــــــــي اشحال
حاجيت روحي ابحزن من جــــرح بعدك حال
كلتلهه راح اولف مسكينه كالت برد

[الكبيسي]

ياناس من العشك فلس حبيبي ودوه
مجروح من الهجر محد لكالي دوه
صوت الاحبه عله وبذني احسه دوه
صاح ارجع انه انتضر ماعندي بعدك اهل
ويوميه اموتن انه ودموع لجلك اهل
طافي حبيبي اصبحت وما اضن بعدك اهل
بس برجعتك الي حسيت عمري دوه

[الكبيسي]

يا بحر موجك عله تالي شعجب مد رسه

ما اظنك بهلوكت ترضه النذل مد راسه

منك درست العشك وانه الجنت مدرسه

شيطان هاذا الوكت بيه القهر جامعه

مو بس قهر جاب الي حتى السهر جا معه

مسكين هاذا الذي يعشك بنت جامعه

يلكاهه بسم العشك فتحت قبل مدرسه

[غدير]

من دون كل الخلكـَ كَلبي بشغف هم إلك
ياملك كل الحسن والنصبك هم ملك
العقل شك وخبط من كثر ما هم إلك
مجنون حكمك علي أصدر قراره ونص
وطير السعد ماعلى جتفه حبك ونص
نصين أكَسمه الكَلب نص إلك إخذه ونص
ظل عندي بي صورتك بس ياترف هم إلك

****
للشاعر كاظم الوائلي