اضربيه..اشتميه...اتركيه...واخيرا افتحي باب منزلك واطرديه؟

[ماسة]

أخواتي

لكل زوجه تريد استمرار حياتها الزوجيه عليك باتباع النصائح الاتية


اضربيه ...........واشتميه..........واتركيه............... واخيرا افتحي باب بيتك واطرديه ...


نعم .. فهذا الصنف لايستحق الا الضرب واللعن والترك والطردايضا






اضربي الملل بعصاة التواصل والتفاهم والود والمحبه

واخلقي جو دافي للحوار والتفاهم داخل بيتك

سواء بينك وبين أولادك او بينك وبين زوجك


واشتمي الغيره بلسان الثقه والحب وتحلي بالجمال وحسن الخلق والثقه المتبادله.


واتركي ألألفاض القبيحه وتسلحي بسلاح الرقه والعذوبه


واطردي الخناقات الزوجيه العنيفه بفتحك لباب الحب والمشاعر الفياضه

وتذكري .. مركب الزواج شراعها الحب ,,ومجدافها المشاعر

وأخيرا اتمنى لكل زوجه السعاده والهناء ولانسي ان ....


تضربيه................وتشتميه...........وتتر كيه.................
وتطرديه




:20:ماســـــة

[اثير توشه]

ههههههههههههههههههههه


الف شكر ماسه ...

عبالي تقصدين ادم والله خرعتيني ههههههههه


تحياتي ارجو تقبل مروري ....

[الهلالي]

بصراحة اني دزيت رسالة للمشرف حتى يحذف الموضوع من شفت العنوان عبالي صدك على ادم مثل ماكال اخويه اثير لان ماسة عنصريه وما تحب ادم
بس رغم انف الجميع ادم قادم
في منتدى ادم وحواء

[ماسة]

توشه والهلالي000

شتسوون هنا.. داخلين قبل البنات ؟..

اعتقد هذا القسم اسمه قسم حواء

وبعدين شنو هاي معقوله آدم ماعنده ثقه بنفسه حتى يتصور الكلام عليه :boxed:


الهلالي...
ماسة عنصريه وما تحب ادم

اني راح ادز رساله للمشرف لان هذا اتهام باطل بحقي

منو كال اني ما احب آدم؟ اني ضد آدم المغرور والخائن تحديداا


بس هم نكول اهلا بكم في قسم حواء

[ازهار ذابلة]

ظنكم السيء بواء يعني الكثير... فلماذا تسيئون الظن بمن يحسن اليكم...؟؟؟ وبعد ذلك تمكرون لها ....
ماسة جزيل الشكر لكِ على هذه النصائح التي يستحقها ادم وان اساء الظن بحواء... :20:

[الهلالي]

اول شي هذا القسم ادم وحواء واني بصفتي من اتباع ادم لي ثلثين والشي الثاني مبروك ماسة لان صارت عندج عضوه جديده بالحملة الخسرانه مالتج
ازهار ذابلة نصيحه لا تمشين وراء ماسة لان قبلج غدير والافق عاشنا مرارة الهزيمة

ادم قادم

[ماسة]

ظنكم السيء بواء يعني الكثير... فلماذا تسيئون الظن بمن يحسن اليكم...؟؟؟
لاعليك منهم فالكلام لايجدي نفعااا
وبعد ذلك تمكرون لها .... نعم ارأيتي ذلك :boxed:
ماسة جزيل الشكر لكِ على هذه النصائح التي يستحقها ادم وان اساء الظن بحواء...

تسلمين ازهار.. يالله نسوي زين ونذب بالشط

[ماسة]

اول شي هذا القسم ادم وحواء

وين اثبات كلامك؟ ارجع اقره اسم القسم
واني بصفتي من اتباع ادم لي ثلثين
ثلثين بشنو؟ موكلنه اتاكد من القطعه مال القسم :character0092:
والشي الثاني مبروك ماسة لان صارت عندج عضوه جديده بالحملة الخسرانه مالتج

شكراا شكراا بس مال خسرانه بهاي انت غلطان

ازهار ذابلة نصيحه لا تمشين وراء ماسة لان قبلج غدير والافق عاشنا مرارة الهزيمة


اني ما اجاوب بس اكيد الافق وغدير راح يردون ....

ادم قادم


النصر لنا
والهزيمه للآدم المغرور والخائن

[(حلوه ومغروره)]

هههههههههههههههههه
والله يا ماسه موضوع ولا اروع
بس عبالي انو نضرب ادم ونشتمه
والله اخترعت
ههههههههههههههههههههههه
تسلم ايدج حبيبتي
تقبلي مروري وخالص الود والتحيه
ولاتحرمينا من جديدج

[الهلالي]

اني ما اجاوب بس اكيد الافق وغدير راح يردون ....

يابه وين غدير والافق ؟؟؟
هذا دليل الحملة خسرانه
ادم قادم

[ماسة]

حلوه ومغروره لا يمعوده شنو نضرب آدم ونشتمه

هسه احنه خلي نسلم على نفسنه منهم

بس يتحججون علينه :67:

شكراا لمرورك ورده

[ماسة]

يابه وين غدير والافق ؟؟؟
هذا دليل الحملة خسرانه
ادم قادم

انتضر لاتستعجل الامر
سوف ترى حواء

هذا هو الهدوء الذي يسبق العاصفه

النصر لنا
والهزينه لآدم المغرور والخائن

[الهلالي]

هذا الهدوء الي يسبق الهزيمه

خل نستعد للاحتفال بالنصر

والله مقهور على ماسة خطيئه بعد كل هذا التعب طلعت خسرانه


اهلاً وسهلاً بالجميع بمنتدى ادم وحواء المهزومه

[غدير]

السلام عليكم اخوي الهلالي شلونك
إن شاء الله بخير
هاي الفترة مارديت لأن كَلت رمضان وبلكي آدم يعلن الهدنة
لكن الظاهر مُصِر على الحرب صدكَـ
مسكين آدم هاي لأن الإدارة مافتحت قسم يخصكم
صرتوا تهاجمونه كل شوية والثانية إنسحبوا ماكو فائدة من المحاولات
لا للهزيمة
حواء قادمة

[اثير توشه]

:014w:ماسه

كافي مشاكل وتحدي لان اول تالي ادم

خوش ادم مو خاين ...........


اذا اتريدين انزل قصه واقعيه عن حوا شلون مطينه عيشة ادم مسكين الحباب
الطيب

الي يشتغل من صبح لليل علمود يوفر اكله طيبه وملبس على موديل لحوا ..

كافي يا حبيبات ترى احنا ساكتين ........

خوشششششششش
لو
مو

خوششششششششش

:67:
النصر لئادم

[ماسة]

والله ياتوشه احنه ما متحارشين بيكم

انتوا الي دورون مشاكل...

احنه كاعدين بقسمنه انتوا شكوا كل شويه مسويلكم هوسه :66:

واذا اكو قصه عندك نزلها حتى يصير عدل بالموضوع :67:

لان شفت الظلم الي عاشته مريم بالقصة من وراكم :new3[1]:


لا مو خوشش :15:


النصر لنا
والهزيمه لآدم المغرور والخائن

[الهلالي]

السلام عليكم اخوي الهلالي شلونك
إن شاء الله بخير
وعليكم السلام اهلاً وسهلاً بالاخت الغالية والعزيزة علينا وعلى الجميع غدير الولاية ونحن بخير بفضل ربي ودعائكم

هاي الفترة مارديت لأن كَلت رمضان وبلكي آدم يعلن الهدنة لكن الظاهر مُصِر على الحرب صدكَـ
بالعكس المفروض والواحد يستلهم من شهر رمضان الكريم العزيمه والاصرار وبعدين لماذا حرب لم لا نقول نضال من اجل حق مسلوب

مسكين آدم هاي لأن الإدارة مافتحت قسم يخصكم
بصراحة نريد من مشرف القسم والادارة ان تقول موقفها بصراحة لاننا اصبحنا مادة للضحك من قبل بنات حواء وهذا الشي ظلم لذا رجاءٍ اكيداً نريد ان نسمع راي المشرف والادارة

ادم قادم

[الافق]

السلام عليكم جميعا

والله اني ماعرفت بهذا الموضوع غير الان لاني كنت مشغولة بقرائت الختمة المباركة في المنتدى ..
ولكن قرائت احدى الردود من الاخ الهلالي في أحدى مواضيعه يقول فيها غدير و الافق ذاقوا مرارة الهزيمة في حملة آدم .... كنت أنتظر الفرصة لكي ارد ولكن لاادري هنا ايضا كاتب نفس العبارة

ويبقى الفوز حليفنا :winner_first_h4h: وعاشت الايادي ماسة على موضوعك :67:

واظن الحملة لحد الان ممنتهية مادام لايوجد انصاف لحواء

رغم أعتراف الناطق بأسم آدم ان البعض من الرجال خونة

[ماسة]

ياهلااا بالافق...

ها قد بان الحق ياآدم :winner_first_h4h:


واظن الحملة لحد الان ممنتهية مادام لايوجد انصاف لحواء
نعم انا معك بذلك

رغم أعتراف الناطق بأسم آدم ان البعض من الرجال خونة

اي يعترف ويرجع يدافع عن آدم المغرور والخائن


النصر لنا
والهزيمه لآدم لمغرور والخائن............تحديدااا

[الافق]

اي يعترف ويرجع يدافع عن آدم المغرور والخائن

تعرفين لماذا الناطق بأسم آدم يعترف ويرجع يدافع

ليس لغرور البعض منهم فقط ... بل لان الاغراءات والكفاءات لدية اكثر من حواء ... وبهذا يحس أن الله سبحانة وتعالى اكرمة وسمح له بالزواج بأربعة في حين أنة تناسى الكلام في الاية الكريمة

ولن تعدلوا


لهذا ترين بعض الرجال وليس كلهم مصدگوا الكرم الالهي وگعوا براس حواء

[ماسة]

نعم ..نعم

اصبت يا افق....



ولن تعدلوا


وحواء اله الله

[bluebird]

ماسة
اسمج تدورين طلايب طبعا من قريت عنوان الموضوع عرفت اكو جوة طلابة
لا حول ولا قوة الا بالله

[الافق]

ماسة
انا معك في الراي .... وحواء اله الله

ولكن ...
عنوان موضوعكِ
(اضربيه..اشتميه...اتركيه...واخيرا افتحي باب منزلك واطرديه؟ )

يفسح المجال لآدم .. أن يقول على حواء كلام .... وبعد ان كانت على حق تكون على با...........

مع خالص تقديري

الافق

[ماسة]

اي شفتي شلون

هذا يؤكد ان آدم لايهمه المضمون

ويبحث عن الضاهر فقط :boxed:

بالرغم ان الموضوع كان يصب لمصلحتهم

نرجع ونكول حواء اله الله

[عنوان الايثار]

ماسه عاشت ايدج عالموضوع
ومن قريت العنوان عبالي دتسوين مشاكل بس طلع موضوعج نصيحه وعاشت ايدج
امل

[ماسة]

امل ...

تسلمين على مرورك ...شأسويلهم جيت انصح المتزوجات واكلهم على كيفكم ويه ابو الجهال :014w:

انوبه آدم طلعني عنصريه ودكتاتوريه وما ادري شنو :66:


يالله سوي زين وذب بالشط :20:


تحياتي لامل

[الافق]

ماسة الظاهر محد مديجاوب وية الناطق بأسم آدم

وحتى اخينا أثير أمنزل قصة نبكي على حواء بدل الدموع دما ياترى ياتي أثير ليتحاور مع الهلالي
لااظن ... الظاهر السالفة مطوله من جهة آدم ..


أما الاخت الفاضلة امل اقول لها والله اني حاولت أن اكون وصلت خير ونحل مشاكلهم الا بدون جدوى .. التريث والمحاولات وكل الطرق مع آدم مانفعت .. وهذه حملتهم اتت ... (ونحن لها بالمرصاد أما النصر ,,,, أو آدم يعلن النصرة لحواء )

[علي العامري]

ستوووووووووووووووووووووووووووووب وصل ابن الجنوب لينضم لفريق ادم ويحطم امال حواء .
يامغرورات ههههههههههههههههههههههههههههههه وحدة مغرورة وحدة ماسة .................الخ........ ماتفيدك الالقاب .
ههههههههههههههههههههههههههههه
وشكرا على موضوعك...

[اثير توشه]

الووووووووووووووووووو


اني موجود ..............


واني ادم الطيب الحباب المغدور عليه .........

بس المشكله اخواتي العزيزات اني ماكدر احجي على حوا شما سوت ..

لان شكد حوا غداره وناكره المعروف ...

ودوم هي من تحجي زين زينه وشين على مسكين ادم ....

بس شنسوي هم انكول هي من ضلع ادم

مو لو مو مو ............


:67:
النصر لئادم

[غدير]

الووووووووووووووووووو

اني موجود ..............


واني ادم الطيب الحباب المغدور عليه .........
آدم الذي لاينصف حواء وسينهزم عن قريب ويعلن خسارته

بس المشكله اخواتي العزيزات اني ماكدر احجي على حوا شما سوت ..

لان شكد حوا غداره وناكره المعروف ...

هاي إذا ماتحجي على حواء هيج !! إذا حجيت شلون ؟! :39:


ودوم هي من تحجي زين زينه وشين على مسكين ادم ....

والعكس صحيح ماكو إثبات والإنسحاب أفضل حل لآدم


بس شنسوي هم انكول هي من ضلع ادم

مو لو مو مو ............

أكيد لكن هذا مو دليل ضعف حواء يافريق آدم إنسحبوا ماتفيد المماطلة

:67:
النصر لئادم


النصر لـ حواء :67:
لا للإنسحاب حتى يستسلم آدم ويعلن خسارته

[ماسة]

ابن الجنوب وتوشه

تره الموضوع جان بصالحكم وانتوا كلبتوها علينه

لاتخلونا انزل مواضيع نخليكم دورون هدنه بعدين....:boxed:

واني ادم الطيب الحباب المغدور عليه .........

توشه كل هاي الاتهامات الي وجهتهاا الحواء وتكول حباب ...؟؟؟:66:

وبعدين احنه ما خصينه آدم الحباب بالموضوع وتعرفون المنو نقصد....


واذا حواء من ضلع آدم المفروض يحافظ عليها ويحميها مو يشلع كلبها ويعيشها المرار

مولومومو :15:


حــــــــواء لن تهزم


النصر لنا :winner_first_h4h:
والهزيمه لآدم المغرور والخائن .....تحديداااا

[علي العامري]

ادم وحواء احباب :smiley_wedding: والهزيمة لمن اراد التفرقة

بعد صار بيها تهديد هم يالله نلحك على روحنا:20:

[قاهرة الرجال]

والله عبالي تقصدين الرجل ودخلت حتى ارد عليج بس ها مو تفهموني غلط قصدي اكولها مو لهل درجه حراااااام وما يستحق كل هذا لو شنو سوه شوفو منو تكول هل كلام هههههههههههه

الف شكر الج حبي

تحياتي الج
اختج قاهرة الرجال

[قاهرة الرجال]

اكول اشو اني بس قريت الموضوع رأسا رديت ما قريت ردود الاعضاء

هسه هي البنيه دا تحجي لمصلحتكم مو ضدكم شبيكم بس تردون الطلايب هههههههههههههههه

ماسه خيتي انتي تستاهلين وسام الشجاعه لان انتي هنا وحدج دتناضلين هسه غير تكوليلي اكو طلابه هنا حتى احظر روحي خليتيني اجي على فقري

يا ادم لا تخلي حواء تعلن الحرب مو تروح بيها :new3[1]:

ههههههههه

مشكوره خيتي

لا للانسحاب حتى يستسلم ادم ويعلن انساحبه

[ساندريلا]

والله ياماسه كلت عز الله الرجال مات مبقه بيه شي
والجهال تيتمو واني ترملت هههههههههههههههههههه
يسلموو حياتووووو

[غيث الحداد]

ههههههههههههههههههههههه
هلو ماسة شلونج ان شاء الله بخير ..........طبعا شفت الموضوع بكت هوه عبالي صدك بس طلع غير قصد
خالص ودي

[ماسة]

هلوو شلونكم كلكم

أدم و وحواء....

مشتاقتلكم هوايه

عفيه بابن الجنوب هيج صير حباب

وانت قاهره الرجال اريدج بمكاني لان نت ماكو يمي الى ان ارجع

هلو ساندي وغيث

باااي للكل